ກຸ່ມບໍລິສັດMARKIT ເຊິ່ງເປັນສະຖາບັນຄົ້ນຄວ້າຕະຫຼາດຂອງອັງກິດໄດ້ເປີດເຜີຍບົດລາຍງານສຳຫຼວດການຈັດຊື້ສິນຄ້າທົ່ວໂລກເມື່ອມໍ່ໆນີ້ໂດຍຊີ້ໃຫ້ເຫັນວ່າ ຈີນສືບຕໍ່ເປັນແຫຼ່ງການຈັດຊື້ ຂະນະທີ່ໄດ້ກາຍເປັນໃຈກາງຕ່ອງໂສ້ການສະໜອງສິນຄ້າຂອງໂລກ.
ຜົນການສຳຫຼວດສະບັບດັ່ງກ່າວສະແດງໃຫ້ເຫັນວ່າ: ຈີນສືບຕໍ່ມີບົດບາດເຂັ້ມແຂງໃນຕ່ອງໂສ້ການສະໜອງສິນຄ້າທົ່ວໂລກ,ຫຼັກຖານນັບມື້ນັບໜ້ອຍທີ່ສາມາດສະໜັບສະໜູນທັດສະນະທີ່ວ່າຈີນເປັນແຫຼ່ງການຈັດຊື້ສິນຄ້າດ້ວຍຕົ້ນທຶນຕ່ຳ. ນັກເສດຖະສາດຂອງກຸ່ມບໍລິສັດ MARKIT ຊີ້ວ່າ: ອັດຕາສ່ວນຂອງຜູ້ໃຫ້ສຳພາດທີ່ເຫັນວ່າຈີນເປັນແຫຼ່ງການຈັດຊື້ສິນຄ້າດ້ວຍຕົ້ນທຶນຕ່ຳນັ້ນໄດ້ຕ່ຳກວ່າ 50% ເປັນເທື່ອທຳອິດເມື່ອປີ 2016 ຜ່ານມາ ເຊິ່ງໄດ້ຫຼຸດລົງຢ່າງພົ້ນເດັ່ນເມື່ອທຽບໃສ່ 70% ເມື່ອປີ 2012.
 |
