ວັນທີ 1 ກຸມພານີ້, ພັກກອມມູນິດຟິລິບປິນ ເຊິ່ງເປັນກອງກຳລັງຕ້ານລັດຖະບານຟິລິນປິນທີ່ໃຫຍ່ທີ່ສຸດໄດ້ອອກຖະແຫຼງຂ່າວໂດຍກ່າວວ່າ, ຍ້ອນວ່າທ່ານໂຣດຣີໂກ ດູເຕີເຕ ປະທານາທິບໍດີຟິລິບປິນບໍ່ໄດ້ຕອບສະໜອງຕາມຄຳຮຽກຮ້ອງໃຫ້ປ່ອຍຕົວ 200 ຄົນທີ່ຖືກກັກຂັງ, ພັກກອມມູນິດຟິລິບປິນຈະຍົກເລີກການຢຸດຍິງແຕ່ຝ່າຍດຽວ.
ໃນຊຸມປີ 1960, ພັກກອມມູນິດຟິລິບປິນໄດ້ຈັດຕັ້ງ "ກອງທັບປະຊາຊົນໃໝ່" ເຊິ່ງເປັນກອງກຳລັງປະກອບອາວຸດ, ເພື່ອໂຄ່ນລົ້ມລັດຖະບານ, ການປະທະກັນລະຫວ່າງສອງຝ່າຍໄດ້ດຳເນີນມາເປັນເວລາ 50 ກວ່າປີ, ນັບມາຮອດປັດຈຸບັນໄດ້ເຮັດໃຫ້ຢ່າງໜ້ອຍ 3 ໝື່ນຄົນເສຍຊີວິດ.
ຫຼັງຈາກທ່ານດູເຕີເຕຂຶ້ນດຳລົງຕຳແໜ່ງເປັນປະທານາທິບໍດີຟິລິບປິນ, ກໍ່ທຳຄວາມພະຍາຍາມຈັດການເຈລະຈາສັນຕິພາບກັບພັກກອມມູນິດຟິລິບປິນ.ພາຍໃຕ້ການໄກ່ເກ່ຍຂອງລັດຖະບານນອກແວ, ສອງຝ່າຍໄດ້ຈັດການເຈລະຈາສັນຕິພາບສອງເທື່ອໃນເດືອນສິງຫາ ແລະ ເດືອນຕຸລາປີ 2016. ກ່ອນຈັດເຈລະຈາ, ລັດຖະບານ ແລະ ພັກກອມມູນິດຟິລິບປິນຕ່າງກໍໄດ້ປະກາດຢຸດຍິງແຕ່ຝ່າຍດຽວ.ເດືອນມັງກອນປີນີ້, ສອງຝ່າຍກໍ່ໄດ້ຈັດການເຈລະຈາສັນຕິາພາບຢູ່ນະຄອນຫຼວງໂຣມແຫ່ງອີຕາຣີ, ແຕ່ບໍ່ໄດ້ບັນລຸຂໍ້ຕົກລົງສັນຍາຢຸດຍິງສອງຝ່າຍທີ່ຄາດໝາຍໄວ້.
