ວັນທີ 1 ກຸມພານີ້, ທ່ານມີແຊວ ຟຼິນ ຜູ້ຊ່ວຍວຽກງານຄວາມໝັ້ນຄົງແຫ່ງລັດຂອງປະທານາທິບໍດີອາເມລິກາກ່າວວ່າ, ການກະທຳຕ່າງໆ ເຊັ່ນ, ທົດລອງຍິງລູກສອນໄຟນຳວິຖີຂອງອີຣານໄດ້ທຳລາຍສະເຖຍລະພາບຂອງເຂດຕາເວັນອອກກາງ. ທ່ານຟຼິນກ່າວວ່າ, ທ່ານປະນາທິບໍດີໂດນັນ ທຣຳຄັດຄ້ານສັນຍາຫຼາຍສະບັບລະຫວ່າງລັດຖະບານບາຣັກ ໂອບາມາຂອງອາເມລິກາກັບອີຣານຢ່າງຮຸນແຮງ ແລະ ກ່າວວ່າ,ສັນຍາເຫຼົ່ານີ້ "ໂຍະຍານ ແລະ ບໍ່ມີປະສິດທິຜົນ".
ວັນທີ 1 ກຸມພານີ້, ທ່ານຮູເຊັນ ເດີການ ລັດຖະມົນຕີກະຊວງປ້ອງກັນປະເທດອີຣານຢືນຢັນວ່າ, ທະຫານອີຣານໄດ້ທົດລອງຍິງລູກສອນໄຟນຳວິຖີໃນຫວ່າງມໍ່ໆນີ້. ທ່ານກ່າວວ່າ, ການທົດລອງຍິງລູກສອນໄຟເທື່ອນີ້ແມ່ນດຳເນີນພາຍໃຕ້ເງື່ອນໄຂທີ່ຮັກສາຜົນປະໂຫຍດແຫ່ງຊາດອີຣານ, ແມ່ນພາກສ່ວນໜຶ່ງຂອງມາດຕະການປ້ອງກັນທາງທະຫານຂອງອີຣານ. ການທົດລອງຍິງລູກສອນໄຟນຳວິຖີບໍ່ໄດ້ລະເມີດເນື້ອໃນສັນຍານິວເຄຼຍອີຣານ, ແຜນການ ແລະ ຂໍ້ຕົກລົງທີ່ກ່ຽວຂ້ອງຂອງອີຣານຈະບໍ່ໄດ້ຮັບຜົນສະທ້ອນຈາກປະເທດໃດໆ.
