ມາຮອດປັດຈຸບັນ,ນັກທ່ອງທ່ຽວຈີນ5ຄົນທີ່ຫາຍສາບສູນໃນເຫດການເຮືອຫຼົ້ມຢູ່ມາເລເຊຍຍັງບໍ່ທັນຄົ້ນພົບເທື່ອ. ຂະນະທີ່ວັນທີ2ກຸມພານີ້,ເຈົ້າໜ້າທີ່ກູ້ໄພຂອງມາເລເຊຍແລະບຣູໄນສືບຕໍ່ຊອກຫາຢູ່ເຂດທະເລໃກ້ຊາບາ,ຊາຣາວັກຂອງສອງປະເທດດັ່ງກ່າວ, ແຕ່ບໍ່ມີຄວາມຄືບໜ້າແຕ່ຢ່າງໃດ.
ສື່ມາເລເຊຍລາຍງານວ່າ,ເຮືອທີ່ຫຼົ້ມໃນອຸບັດເຫດດັ່ງກ່າວໄດ້ຖືກອອກແບບມາເພື່ອນຳໃຊ້ໃນການຄົ້ນຄວ້າວິທະຍາສາດຢູ່ເຂດທະເລແຄມຝັ່ງ, ບໍ່ໂດຍສາມາດແລ່ນຢູ່ເຂດທະເລທີ່ມີຟອງນ້ຳແລະກະແສລົມແຮງຢູ່ພາກຕາເວັນຕົກຂອງແຂວງຊາບາ. ນອກນີ້, ຜູ້ຜະລິດເຮືອດັ່ງກ່າວໃຫ້ຮູ້ວ່າ,ເຮືອລຳນີ້ໄດ້ສ້ອມແປງມາແລ້ວກ່ອນເກີດອຸບັດເຫດ, ແລະກໍບໍ່ຮູ້ວ່າໄດ້ຮັບອະນຸຍາດໃຫ້ອອກທະເລຫຼືບໍ່.
ວັນທີ2ກຸມພານີ້, ທ່ານລຽວຕົງໄລ, ລັດຖະມົນຕີກະຊວງຄົມມະນາຄົມມາເລເຊຍກ່າວວ່າ, ເຖິງວ່າລັດຖະບານໄດ້ວາງລະບຽບການແລະມາດຕະຖານກໍຕາມ, ແຕ່ພາກສ່ວນທີ່ກ່ຽວຂ້ອງບໍ່ປະຕິບັດຢ່າງເຂັ້ມງວດ.ແນວໃດກໍດີຂໍໃຫ້ຂະແໜງຄົມມະນາຄົມແຂວງຊາບາດຳເນີນການສືບສວນຢ່າງລະອຽດຮອບຄອບ.