ວັນທີ2ກຸມພານີ້, ອົງການຕຳຫຼວດອາຍາເອີລົບແຈ້ງວ່າ,ເພື່ອແກ້ໄຂບັນຫາຊາວຍ້າຍຖິ່ນຖານຢ່າງຜິດກົດໝາຍ, ເຈົ້າໜ້າທີ່ຕຳຫຼວດຂອງ6ປະເທດໃນເອີລົບ,ຄື: ໂອຕຼິສ,ບຸນກາຣີ,ໂກຣອາຊີ, ເຢຍລະມັນ,ຮົງກາລີ, ແລະຣູມານີ ໂດຍໄດ້ຮັບການປະສານງານຈາກອົງການຕຳຫຼວດອາຍາເອີລົບ, ໄດ້ຮ່ວມມືກັນເຄື່ອນໄຫວຕໍ່ຕ້ານການຄ້າມະນຸດໃນວັນທີ1ກຸມພານີ້.
ຫຼັງເຈົ້າໜ້າທີ່ໄດ້ກວດກາສະຖານທີ່ຊຸກເຊື່ອງຊາວຍ້າຍຖິ່ນຖານທີ່ຜິດກົດໝາຍ,ກໍສາມາດພົບແລະຈັບກຸ່ມຄ້າມະນຸດ10ກວ່າຄົນ, ແລະຄົ້ນພົບຊາວຍ້າຍຖິ່ນຖານທີ່ຜິດກົດໝາຍຫຼາຍສິບຄົນ. ອົງການຕຳຫຼວດອາຍາເອີລົບກ່າວວ່າ,ເຖິງວ່າປີຜ່ານມາບາງປະເທດຢູ່ເຂດບັນການຕາເວັນຕົກໄດ້ປິດຊາຍແດນ, ແຕ່ປັດຈຸບັນຍັງພົບການຊຸກເຊື່ອງຊາວຍ້າຍຖິ່ນຖານທີ່ຜິດກົດໝາຍເປັນຈຳນວນຫຼາຍ ຢູ່ເຂດດັ່ງກ່າວ,ເພື່ອຄອຍຖ້າກຸ່ມຄ້າມະນຸດຍ້າຍໄປບ່ອນອື່ນ.