ຕາມຂ່າວCRI: ວັນທີ 2 ກຸມພານີ້, ກະຊວງການການຄ້າແລະອຸດສາຫະກຳຟີລິບປີນແຈ້ງວ່າ, ອາທິດຜ່ານມາຟີລິບປີນແລະຣັດເຊຍໄດ້ຈັດກອງປະຊຸມກະກຽມເພື່ອສ້າງຕັ້ງຄະນະກຳມະການຮ່ວມຂອງການຮ່ວມມືດ້ານເສຖະກິດການຄ້າຢູ່ນະຄອນຫຼວງມະນີລາ, ແລະຈະຈັດກອງປະຊຸມຄັ້ງທຳອິດກ່ອນທ່ານໂຣດຣັໂກ ດູເຕີເຕ, ປະທານາທິບໍດີຟີລິບຟີນຈະເດີນທາງຢ້ຽມຢາມຢູ່ຣັດເຊຍໃນມໍ່ໆນີ້.
ວັນທີ 26 ມັງກອນແລ້ວນີ້, ທ່ານອາເລັກຊານເດີ ສະບຸນສກີ, ຮອງລັດຖະມົນຕີກະຊວງການພັດທະນາເສດຖະກິດຣັດເຊຍແລະທ່ານເຊເຟີຣີໂນ ໂຣໂດໂຟ, ຮອງລັດຖະມົນຕີກະຊວງການຄ້າແລະອຸດສາຫະກຳຟີລິບປີນໄດ້ເປັນປະທານຮ່ວມກອງປະຊຸມເຈົ້າໜ້າທີ່ອາວຸໂສຂອງຄະນະກຳມະການຮ່ວມຂອງການຮ່ວມມືດ້ານເສດຖະກິດການຄ້າລະຫວ່າງສອງປະເທດ. ໂດຍສອງຝ່າຍໄດ້ປືກສາຫາລືດ້ານເສດຖະກິດ, ກະສິກຳ, ເຕັກໂນໂລຊີດ້ານພະລັງງານນິວເຄຼຍແລະອື່ນໆ, ທັງຈະສະເໜີແຜນການການຮ່ວມມືດ້ານເສດຖະກິດການຄ້າໃຫ້ກອງປະຊຸມຄັ້ງທຳອິດຂອງຄະນະກຳມະການຮ່ວມການຮ່ວມມືດ້ານເສດຖະກິດການຄ້າຟີລິບປີນ-ຣັດເຊຍປຶກສາຫາລື.
ນັບແຕ່ທ່ານໂຣດຣັໂກ ດູເຕີເຕ, ຂຶ້ນດຳລົງຕຳແໜ່ງເປັນປະທານາທິບໍດີເດືອນມິຖຸນາປີ. 2016 ເປັນຕົ້ນມາ, ກໍໄດ້ສຸມໃສ່ປະຕິບັດນະໂຍບາຍການຕ່າງປະເທດທີ່ມີຫຼາຍເຄົ້າ. ຂະນະນີ້ໃນເດືອນມັງກອນປີ 2017 ນີ້, ຟີລິບປີນກໍໄດ້ປະກາດກະກຽມສັນຍາຮ່ວມມືດ້ານການປ້ອງກັນປະເທດກັບຣັດເຊຍ, ແລະຄາດວ່າຈະລົງນາມໃນສັນຍາດັ່ງກ່າວໃນໂອກາດທ່ານໂຣດຣີໂກ ດູເຕີເຕຈະເດີນທາງຢ້ຽມຢາມຣັດເຊຍ.
 |
