ອົງການທ່ອງທ່ຽວແຫ່ງຊາດຈີນປະກາດໃນວັນທີ 2 ກຸມພານີ້ວ່າ, ຕາມຜົນການຄິດໄລ່ໂດຍລວມຂອງສູນຂໍ້ມູນຕົວເລກຂອງອົງການຕົນ, ທົ່ວປະເທດໄດ້ຕ້ອນຮັບນັກທ່ອງທ່ຽວ 27 ລ້ານ 4 ແສນເທື່ອຄົນໃນວັນທີ 1 ກຸມພານີ້ ເຊິ່ງໄດ້ເພີ່ມຂຶ້ນ 14,1% ເມື່ອທຽບໃສ່ໄລຍະດຽວກັນຂອງປີຜ່ານມາ, ຂະນະດຽວກັນ ໄດ້ສ້າງລາຍຮັບຈາກການທ່ອງທ່ຽວ 34 ຕື້ຢວນ ເຊິ່ງໄດ້ເພີ່ມຂຶ້ນ 14,8% ເມື່ອທຽບໃສ່ໄລຍະດຽວກັນຂອງປີຜ່ານມາເຊັ່ນດຽວກັນ.
ທັງນີ້ ເມື່ອບວກຕົວເລກທີ່ອົງການດັ່ງກ່າວປະກາດກ່ອນໜ້ານີ້ແລ້ວເຫັນວ່າ, ໃນ 6 ມື້ພັກບຸນກຸດຈີນ, ຈີນໄດ້ຕ້ອນຮັບນັກທ່ອງທ່ຽວຫຼາຍກວ່າ 323 ຕື້ເທື່ອຄົນ ແລະສ້າງລາຍໄດ້ເຖິງ 401 ຕື້ຢວນ.
ກ່ອນໜ້ານີ້ບໍ່ດົນຄືໃນກາງເດືອນມັງກອນຜ່ານມາ, ອົງການທ່ອງທ່ຽວແຫ່ງຊາດໄດ້ເຜີຍແຜ່ຄູ່ມືການທ່ອງທ່ຽວໃນມື້ພັກບຸນກຸດຈີນ ໂດຍຄາດຄະເນວ່າ, ໃນມື້ພັກບຸນກຸດຈີນ 2017 ຈະມີຈຸດເດັ່ນຄື ປະຊາຊົນໄປທ່ອງທ່ຽວຫຼາຍ, ຜະລິດຕະພັນການທ່ອງທ່ຽວຫຼາຍ ແລະການທ່ອງທ່ຽວເພື່ອສະຫຼອງບຸນນັ້ນຄ່ອຍໆກາຍເປັນຄ່ານິຍົມ ແລະຄາດວ່າ, ໃນ 7 ມື້ພັກ ຈຳນວນນັກທ່ອງທ່ຽວພາຍໃນປະເທດຈະບັນລຸເຖິງ 343 ຕື້ເທື່ອຄົນ ແລະເພີ່ມຂຶ້ນ 13,6% ເມື່ອທຽບໃສ່ໄລຍະດຽວກັນຂອງປີຜ່ານມາ.