ທີມລັອກເກັດຮຸສເຕິນ ໄດ້ຈັດພິທີອຳລາຊຸດຫຼິ້ນບານບ້ວງເບີ 11 ໃຫ້ຢາວໝິງ ອະດີດນັກກິລາບານບ້ວງທີມຕົນ ໃນຕອນຄ່ຳວັນທີ 3 ກຸມພານີ້ ໂດຍທ່ານຢາວໝິງ ພ້ອມດ້ວຍຄອບຄົວເຂົ້າຮ່ວມ ເຊິ່ງພິທີດັ່ງກ່າວໄດ້ຈັດຂຶ້ນຢູ່ສູນໂຕໂຢຕາຮຸສເຕິນ ຫຼັງພັກເຄິ່ງເວລາລະຫວ່າງການແຂ່ງຂັນຂອງທີມລັອກເກັດ-ທີມບັນສ໌ຊີຄາໂກ.
ຕະຫຼອດໄລຍະທີ່ໃຊ້ຊີວິດເປັນນັກກິລາໃນ NBA, ຢາວໝິງສັງກັດທີມລັອກເກັດມາໂດຍຕະຫຼອດ ແລະໄດ້ຮັບການຄັດເລືອກເປັນນັກກິລາເຂົ້າຮ່ວມແຂ່ງຂັນ ALL STAR 8 ເທື່ອຕໍ່ເນື່ອງ. ຂະນະທີ່ຕະຫຼອດຫຼິ້ນບານບ້ວງໃນ NBA ນັ້ນ, ຢາວໝິງສາມາດຊຸດບານໄດ້ 19 ຄະແນນ, ຍາດບານຢູ່ແປ້ນບ້ວງໄດ້ 9,2 ໜ່ວຍ ແລະ ປັດບານອອກຈາກປາກບ້ວງໄດ້ 1,9 ໜ່ວຍ ສະເລ່ຍຕໍ່ເກມ. ເນື່ອງຈາກໄດ້ຮັບບາດເຈັບສາຫັດ, ຢາວໝິງຈຳເປັນຕ້ອງລາອອກຈາກວົງການບານບ້ວງເມື່ອປີ 2011 ແລະ ໄດ້ກາຍເປັນໜຶ່ງໃນສະມາຊິກອະນຸສອນສະຖານລະນຶກນັກກິລາບານບ້ວງທີ່ມີຊື່ສຽງໄນສະມິສ(Naismith Memorial Basketball Hall of Fame) ເມື່ອປີຜ່ານມາ.
