ວັນທີ3ກຸມພານີ້, ເມືອງລອສແອງເຈີລິສ, ນະຄອນຫຼວງປາຣີແລະນະຄອນຫຼວງບູດາແປັດສ໌ໄດ້ປະກອບເອກະສານ ກ່ຽວກັບການຮ້ອງຂໍເປັນເຈົ້າພາບງານກິລາໂອລິມປິກລະດູຮ້ອນ2024ສ່ວນສຸດທ້າຍໃຫ້ແກ່ຄະນະກຳມະການໂອລິມປິກສາກົນຢ່າງເປັນທາງການ, ເຊິ່ງໝາຍເຖິງການແຂ່ງຂັນເປັນເຈົ້າພາບຂອງ3ຕົວເມືອງດັ່ງກ່າວໄດ້ເຂົ້າສູ່ໄລຍະສຸດທ້າຍ.
ເອກະສານທີ່3ຕົວເມືອງດັ່ງກ່າວຍື່ນໃຫ້ໃນຄັ້ງນີ້ໄດ້ພົວພັນເຖິງການຈັດການແຂ່ງຂັນ,ຄວາມຮູ້ສຶກໃນການແຂ່ງຂັນ, ແລະການນຳໃຊ້ສະໜາມກິລາໃນພາຍຫຼັງ. ຄະນະກຳມະການໂອລິມປິກສາກົນກ່າວໃນຖະແຫຼງການສະບັບໜຶ່ງວ່າ, 3ຕົວເມືອງດັ່ງກ່າວ"ໄດ້ເຂົ້າສູ່ໄລຍະແຂ່ງຂັນສຸດທ້າຍໃນການຮ້ອງຂໍເປັນເຈົ້າພາບງານດັ່ງກ່າວຢ່າງເປັນທາງການ."
ຂ່າວແຈ້ງວ່າ,ການສຳຫຼວດແລະປະເມີນຕໍ່ບັນດາຕົວເມືອງທີ່ຮ້ອງຂໍເປັນເຈົ້າພາບຈະດຳເນີນແຕ່ເດືອນເມສາຫາເດືອນພຶດສະພາປີນີ້, ແລະຄະນະກຳມະການໂອລິມປິກສາກົນຈະຕັດສິນວ່າຕົວເມືອງໃດໄດ້ຮັບສິດເປັນເຈົ້າພາບຂອງງານໂດຍຜ່ານການລົງຄະແນນສຽງໃນກອງປະຊຸມຄົບຄະນະທີ່ຈະຈັດຂຶ້ນຢູ່ນະຄອນຫຼວງລີມາປະເທດເປຣູໃນເດືອນກັນຍາປີນີ້.