ທ່ານໂມຮາມັດ ອາກຣາມ,ທີ່ປຶກສາການເມືອງຂອງປະທານາທິບໍດີອັຟການີສະຖານກ່າວໃນວັນທີ4ກຸມພານີ້ວ່າ, ລັດຖະບານອັຟການີສະຖານສະແດງຄວາມຊົມເຊີຍຕໍ່ຂໍ້ຕົກລົງຂອງສະພາຄວາມໝັ້ນຄົງອົງການສະຫະປະຊາຊາດທີ່ຍົກເລີກການຂວໍ້າບາດຕໍ່ທ່ານກຸນບຸດດິນ ເຮັກມັດຢາ, ຜູ້ນຳພັກອິສລາມິກ.
ທັງນີ້,ທ່ານອາກຣາມໄດ້ກ່າວຕໍ່ສື່ມວນຊົນໃນວັນດັ່ງກ່າວວ່າ, ອົງການສະຫະປະຊາຊາດໄດ້ທຳການຕົກລົງດັ່ງກ່າວເມື່ອບໍ່ດົນມານີ້ເປັນການສອດຄ່ອງກັບຜົນປະໂຫຍດຂອງອັຟການີສະຖານ, ມີຜົນດີຊ່ວຍເຫຼືອ ອັຟການີສະຖານບັນລຸຄວາມປອງດອງກັນກັບກຸ່ມປະກອບອາວຸດຕ້ານລັດຖະບານໂດຍຜ່ານການເຈລະຈາ ການເມືອງ.
ທ່ານອາກຣາມກ່າວຕື່ມວ່າ,ປັດຈຸບັນ,ລັດຖະບານປະເທດຕົນແລະພັກອິສລາມິກພວມຈັດຕັ້ງປະຕິບັດສັນຍາສັນຕິພາບທີ່ສອງຝ່າຍເຊັນກັນໃນເດືອນກັນຍາປີຜ່ານມາ, ແລະກະກຽມເພື່ອຕ້ອນຮັບທ່ານເຮັກມັດຢາກັບຄືນນະຄອນຫຼວງກາບູນໃນໄວໆນີ້. ຂະນະດຽວກັນ,ທ່ານອາກຣາມຍັງຮຽກຮ້ອງໃຫ້ກຸ່ມປະກອບອາວຸດຕ້ານລັດຖະບານອື່ນໆຈົ່ງຢຸດຕິການປະທະກັນໂດຍໄວ, ພ້ອມກັນເຂົ້າຮ່ວມຂະບວນການສັນຕິພາບຂອງຊາດ.
ຂ່າວແຈ້ງວ່າ, ວັນທີ3ກຸມພານີ້,ສະພາຄວາມໝັ້ນຄົງສະຫະປະຊາຊາດໄດ້ປະກາດຍົກເລີກການຂວໍ້າບາດຕໍ່ທ່ານເຮັກມັດຢາ, ເພື່ອສະໜັບສະໜູນລັດຖະບານ ອັຟການີສະຖານບັນລຸຄວາມປອງດອງກັນກັບພັກອິສລາມິກ.
 |
