ຜູ້ຂັບເຮືອແລະເຈົ້າຂອງເຮືອໃນອຸບັດເຫດເຮືອຫຼົ້ມຢູ່ລັດຊາບາມາເລເຊຍໄດ້ຖືກສານລັດຊາບາຕັດສິນໃນວັນທີ 4 ມັງກອນນີ້ໂດຍຜູ້ພິພາກສາຢືນຢັນວ່າ ຜູ້ຂັບເຮືອແລະເຈົ້າຂອງເຮືອໄດ້ບຸນທຸກນັກທ່ອງທ່ຽວ 20 ກວ່າຄົນເດີນທະເລທັງໆທີ່ຮູ້ດີວ່າເຮືອທ່ອງທ່ຽວດັ່ງກ່າວກຳນົດໃຫ້ບັນທຸກຄົນບໍ່ເກີນ 12 ຄົນ ເຊິ່ງຖືວ່າເປັນການບັນທຸກເກີນກຳນົດພາຍໃຕ້ກໍລະນີສ່ຽງໄພ. ຈາກນີ້ຈິ່ງຕັດສິນຕັດອິດສະລະພາບພວກຜູ້ກ່ຽວເປັນເວລາ 6 ເດືອນໃນຂໍ້ຫາເຮັດໃຫ້ມີຜູ້ເສຍຊີວິດດ້ວຍຄວາມປະໝາດ.
ທ່ານເສິນເພ້ເຈ ກົງສຸນໃຫຍ່ຈີນປະຈຳໂຄຕາຄີນາບາລູປະເທດມາເລເຊຍໃຫ້ສຳພາດຕໍ່ນັກຂ່າວວ່າ: ຈີນເລັ່ງທວງໃຫ້ ມາເລເຊຍສືບສວນສອບສວນຢ່າງລະອຽດລວມທັງການສືບສວນທາງອາຍາເພື່ອເປີດເຜີຍຜົນການສືບສວນທີ່ຍຸຕິທຳແລະສົມເຫດສົມຜົນ ທັງແກ້ໄຂບັນຫາຕ່າງໆໃຫ້ແກ່ນັກທ່ອງທ່ຽວຈີນທີ່ປະສົບອຸບັດເຫດດັ່ງກ່າວໃຫ້ດີ.