ແຫຼ່ງຂ່າວຈາກບໍລິສັດຜະລິດຍົນທຸລະກິດຈີນຈຳກັດ（Commercial Aircraft Corporation of China Ltd ຫຼື COMAC）ໃຫ້ຮູ້ໃນວັນທີ 6 ກຸມພານີ້ວ່າ ບໍລິສັດຕົນຈະທົດລອງໃຊ້ຍົນໂດຍສານຂະໜາດໃຫຍ່ C919 ບິນເປັນຄັ້ງທຳອິດໃນ 6 ເດືອນຕົ້ນປີນີ້.
ຍົນໂດຍສານ C919 ທີ່ຈີນອອກແບບຜະລິດເອງ ສາມາດບັນຈຸໄດ້ 150 ບ່ອນນັ່ງ ຫຼື ຫຼາຍກວ່ານີ້ ແລະ ບໍລິການໂດຍສານໄດ້ທັງໄລຍະສັ້ນແລະກາງ, ຂະນະທີ່ຄູ່ແຂ່ງຕົ້ນຕໍໃນຕະຫຼາດລວມມີຍົນແອບັດ 320 ແລະ ໂບອິງ 737 ຮຸ່ນຕ່າງໆ.
ມາຮອດປັດຈຸບັນ, ຍົນໂດຍສານ C919 ໄດ້ຮັບການສັ່ງຊື້ 570 ລຳແລ້ວ ໂດຍບໍລິສັດການບິນຕາເວັນອອກຈີນ (China Eastern Airlines) ຈະເປັນບໍລິສັດທຳອິດທີ່ນຳໃຊ້ຍົນດັ່ງກ່າວໃນທົ່ວໂລກ.
