ຫຼັງກັບແຂວງຢຸນນານ ສປ ຈີນແລະອາຊີຕາເວັນອອກສຽງໃຕ້ໄດ້ເພີ່ມທະວີການພົວພັນການຄ້າເພີ່ມຂຶ້ນຢ່າງບໍ່ຢຸດຢັ້ງ, ແລະພື້ນຖານໂຄງລ່າງຄົມມະນາຄົມປັບປຸງດີຂຶ້ນຢ່າງຕໍ່ເນື່ອງ, ແຂວງຢຸນນານກໍບັນລຸການຂາຍຜະລິດຕະພັນກະສິກຳໄປສູ່ອາຊີຕາເວັນອອກສຽງໃຕ້ເປັນຢ່າງດີ, ສົ່ງຜົນເຮັດໃຫ້ມູນຄ່າສົ່ງອອກໄດ້ເພີ່ມຂຶ້ນຢ່າງວ່ອງໄວ. ທັງນີ້ເຈົ້າໜ້າທີ່ດ່ານພາສີຄຸນມິງເປີດເຜີຍໃນວັນທີ 5 ກຸມພານີ້ວ່າ, ປີ 2016 ແຂວງຢຸນນານໄດ້ສົ່ງອອກຜະລິດຕະພັນກະສິກຳໄປອາຊຽນບັນລຸ 16 ຕື້ 870 ລ້ານຢວນ, ທຽບໃສ່ປີ 2015 ເພີ່ມຂຶ້ນ 8,1%. ແລະໃນໄລຍະດຽວກັນກໍບັນລຸມູນຄ່າການສົ່ງອອກຜະລິດຕະພັນກະສິກຳໄປຕ່າງປະເທດເຖິງ 29 ຕື້ 650 ລ້ານຢວນ, ເພີ່ມຂຶ້ນ 17,1%. ທັງນີ້ການສົ່ງອອກຜະລິດຕະພັນກະສິກຳໄປອາຊຽນກວມ 56,9% ຂອງຍອດມູນຄ່າການສົ່ງອອກທັງໝົດສົ່ງຜົນເຮັດໃຫ້ອາຊຽນກາຍເປັນຕະຫຼາດບໍລິໂພກຜະລິດຕະພັນກະສິກຳແຂວງຢຸນນານເປັນຕົ້ນຕໍ.
ປີຜ່ານມາ, ແຂວງຢຸນນານສາມາດສົ່ງອອກໝາກໄມ້ແລະຜັກເພີ່ມຂຶ້ນ, ແຕ່ສະເລ່ຍໝາກໄມ້ແຂວງດັ່ງກ່າວກາຍເປັນອັນດັບໜຶ່ງຂອງປະເທດຄືສາມາດສົ່ງອອກກວມເຖິງ 35,9%. ປີ 2016 ຈີນບັນລຸມູນຄ່າການສົ່ງອອກໝາກໄມ້ເຖິງ 34 ຕື້ 490 ລ້ານຢວນ, ເພີ່ມຂຶ້ນ 13%.