ສະຖານກົງສຸນຈີນປະຈຳໂຄຕາຄີນາບາລູປະເທດມາເລເຊຍກ່າວວ່າ, ຕອນຂ້ອນແຈ້ງວັນທີ 6 ກຸມພານີ້, ນັກທ່ອງທ່ຽວຈີນ 4 ຄົນທີ່ໄດ້ຮັບການຊ່ວຍເຫຼືອຈາກເຫດເຮືອຫຼົ້ມຢູ່ລັດຊາບາປະເທດມາເລເຊຍແລະຄອບຄົວໄດ້ເດີນທາງກັບຄືນປະເທດຈີນແລ້ວ.
ທັງນີ້ເມື່ອວັນທີ 28 ມັງກອນຜ່ານມາ, ເຮືອບັນທຸກນັກທ່ອງທ່ຽວລຳໜຶ່ງໄດ້ຫຼົ້ມຢູ່ເຂດທະເລໃກ້ລັດຊາບາປະເທດມາເລເຊຍ, ໂດຍໃນເຮືອລຳດັ່ງກ່າວມີນັກທ່ອງທ່ຽວຈີນ 20 ກວ່າຄົນ. ຫຼັງເກີດເຫດໄດ້ເຮັດໃຫ້ນັກທ່ອງທ່ຽວຈີນເສຍຊີວິດ 3 ຄົນ, ຂະນະທີ່ຜູ້ລອດຊີວິດກໍໄດ້ຮັບຊ່ວຍເຫຼືອແລ້ວ. ເຈົ້າໜ້າທີ່ຕຳຫຼວດມາເລເຊຍກ່າວວ່າ, ປັດຈຸບັນຍັງມີນັກທ່ອງທ່ຽວຈີນ 5 ຄົນແລະລູກເຮືອໜຶ່ງຄົນຫາຍສາບສູນ. ຂະນະທີ່ສະພາບຂອງຜູ້ບາດເຈັບຄ່ອຍໆຄືນສູ່ສະພາບປົກກະຕິ, ແລະຈະເດີນທາງກັບຄືນປະເທດຈີນພາຍຫຼັງ. ສະຖານກົງສຸນຈີນກ່າວວ່າ, ຈະສືບຕໍ່ຊ່ວຍເຫຼືອຢ່າງຕໍ່ເນື່ອງ.