ໃນກອງປະຊຸມຂ່າວທີ່ຈັດຂຶ້ນໃນວັນທີ 6 ກຸມພານີ້, ມີນັກຂ່າວຖາມວ່າ, ກ່ອນໜ້ານີ້ບໍ່ດົນ,ທ່ານເຈມ ມະທິສ ລັດຖະມົນຕີປ້ອງກັນປະເທດອາເມລິກາກ່າວໃນໂອກາດຢ້ຽມຢາມຍີ່ປຸ່ນວ່າ, ຕົນເຫັນວ່າປັດຈຸບັນບໍ່ມີຄວາມຈຳເປັນໃນການເຄື່ອນໄຫວການທະຫານຂະໜາດໃຫຍ່ຢູ່ເຂດທະເລຈີນໃຕ້. ຂະນະດຽວກັນ, ການກະທຳຂອງຈີນຢູ່ທະເລຈີນໃຕ້ໄດ້ທຳລາຍຄວາມໄວ້ເນື້ອເຊື່ອໃຈຂອງປະເທດຢູ່ພາກພື້ນດັ່ງກ່າວ. ຈີນມີຄວາມເຫັນແນວໃດຕໍ່ເລື່ອງນີ້?
ທ່ານລູ້ຄາງ ໂຄສົກກະຊວງການຕ່າງປະເທດຈີນກ່າວວ່າ, ຈາກຄວາມພະຍາຍາມຮ່ວມກັນຂອງຈີນແລະປະເທດທີ່ກ່ຽວຂ້ອງຢູ່ອ້ອມຂ້າງທະເລຈີນໃຕ້ນັ້ນ, ໄດ້ເຮັດໃຫ້ປັດຈຸບັນສະຖານະການເຂດທະເລຈີນໃຕ້ໄດ້ກັບຄືນສູ່ສະພາບປົກກະຕິແລ້ວ, ທັງເປັນສະພາບທີ່ດີງາມຫຼັງຝ່າຍທີ່ກ່ຽວຂ້ອງຄວບຄຸມຄວາມຂັດແຍ້ງກັນດ້ວຍການເຈລະຈາ, ທັງນີ້ເປັນຜົນມາຈາກຈີນແລະປະເທດໃນອາຊຽນໄດ້ມີຄວາມພະຍາຍາມຮັກສາສັນຕິພາບ, ສະຖຽນລະພາບແລະຄວາມໝັ້ນຄົງຂອງພາກພື້ນ. ເຊິ່ງສອດຄ່ອງກັບຜົນປະໂຫຍດຮ່ວມກັນຂອງປະເທດຢູ່ພາກພື້ນດັ່ງກ່າວ, ແນວໃດກໍດີກໍຫວັງໃຫ້ປະເທດຢູ່ນອກພາກພື້ນຈົ່ງເຄົາລົບຜົນປະໂຫຍດແລະຄວາມປາຖະໜາຮ່ວມກັນຂອງປະເທດຢູ່ພາກພື້ນດັ່ງກ່າວ.
 |
