ທ່ານນາງກອບການ ວັດທະນະວະຣາງກູນ ລັດຖະມົນຕີກະຊວງທ່ອງທ່ຽວແລະກິລາໄທກ່າວຫຼັງກອງປະຊຸມຄະນະລັດຖະບານໃນວັນທີ 7 ກຸມພານີ້ວ່າ: ຄະນະລັດຖະບານໄທໄດ້ອະນຸມັດແກ່ຍາວເວລາປະຕິບັດນະໂຍບາຍຫຼຸດຫຼືຍົກເວັ້ນຄ່າວີຊາທ່ອງທ່ຽວໂດຍເລັງໃສ່ 21 ປະເທດແລະເຂດແຄວ້ນເຊິ່ງລວມທັງປະເທດຈີນນັ້ນໄປອີກ 6 ເດືອນ ຈົນເຖິງວັນທີ 31 ສິງຫາປີນີ້. ທັງນີ້ສະແດງໃຫ້ເຫັນວ່າ ນັກທ່ອງທ່ຽວຈີນກໍຄືປະເທດແລະເຂດແຄວ້ນເຫຼົ່ານີ້ຈະບໍ່ຕ້ອງຈ່າຍຄ່າໃດໆເມື່ອເຮັດວີຊາທ່ອງທ່ຽວໄທຢູ່ປະເທດຫຼືເຂດແຄວ້ນທີ່ເປັນເປົ້າໝາຍກ່ອນວັນທີ 31 ສິງຫາ. ຂະນະທີ່ຄ່າທຳນຽມເຮັດວີຊາກັບດ່ານຢູ່ໄທຍັງ 1000 ບາດຄືເກົ່າ.
ນັບແຕ່ທ້າຍເດືອນສິງຫາປີຜ່ານມາ, ການເຕີບໂຕຂອງນັກທ່ອງທ່ຽວຈີນ ເຊິ່ງເປັນແຫຼ່ງນັກທ່ອງທ່ຽວໃຫຍ່ທີ່ສຸດຂອງໄທນັ້ນບໍ່ບັນລຸຕາມຄາດໝາຍ ກົງກັນຂ້າມໄດ້ຫຼຸດໜ້ອຍລົງໃນຊົ່ວໄລຍະ. ຈາກນີ້ ຈິ່ງປະຕິບັດນະໂຍບາຍຍົກເວັ້ນຄ່າວີຊາທ່ອງທ່ຽວເປັນເວລາ 3 ເດືອນນັບແຕ່ເດືອນທັນວາຜ່ານມາ ເພື່ອດຶງດູດນັກທ່ອງທ່ຽວສາກົນມາທ່ຽວໃຫ້ຫຼາຍກວ່າເກົ່າ.
 |
