ທ່ານອັນໂຕນີໂອ ກູເຕເຣັສເລຂາທິການໃຫຍ່ອົງການສະຫະປະຊາຊາດໄດ້ອອກຖະແຫຼງການໃນວັນທີ 7 ກຸມພານີ້ໂດຍສະແດງຄວາມເສຍໃຈທີ່ສຸດຫຼັງລັດຖະສະພາອິສຣາແອນຮັບຮອງຮ່າງກົດໝາຍວ່າດ້ວຍການເຮັດໃຫ້ຈຸດຕັ້ງຖິ່ນຖານຊາວຢິວຢູ່ຝັ່ງຕາເວັນຕົກແມ່ນ້ຳຊັອກດານີໃຫ້ຊອບດ້ວຍກົດໝາຍໃນວັນທີ 6 ກຸມພານີ້. ແນວໃດກໍດີທ່ານກໍຢືນຢັນວ່າ ຮ່າງກົດໝາຍສະບັນນີ້ໄດ້ຝ່າຝືນກົດໝາຍລະຫວ່າງຊາດ ທັງເລັ່ງໃຫ້ບັນດາຝ່າຍດຳເນີນການເຈລະຈາຕາມມະຕິກ່ຽວຂ້ອງຂອງສະພາຄວາມໝັ້ນຄົງແລະສັນຍາລະຫວ່າງປາເລັສຕິນ-ອິສຣາແອນ ເພື່ອແກ້ໄຂບັນຫາໃຈກາງ ແລະບັນລຸ "ແຜນການສ້າງເປັນສອງປະເທດ"
ຖະແຫຼງການດັ່ງກ່າວລະບຸວ່າ: ຮ່າງກົດໝາຍຂອງອິສຣາແອນໄດ້ຝ່າຝືນກົດໝາຍລະຫວ່າງຊາດ ເຊິ່ງຈະສ້າງຜົນຮ້າຍຕາມຫຼັງທາງກົດໝາຍທີ່ສົ່ງຜົນກະທົບຢ່າງເລິກເຊິ່ງຍາວນານຕໍ່ອິສຣແອນ ແລະຮ່າງກົດໝາຍສະບັບດັ່ງກ່າວລະບຸວ່າຈະເຮັດໃຫ້ຈຸດຕັ້ງຖິ່ນຖານຢູ່ທີ່ດິນເອກະຊົນຂອງປາແລັສຕິນຝັ່ງຕາເວັນຕົກແມ່ນ້ຳຊັອກດານີເຊິ່ງເປັນດິນແດນຖືກຍຶດຄອງນັ້ນໃຫ້ຊອບດ້ວຍກົດໝາຍ. ທ່ານກູເຕເຣັສເນັ້ນວ່າ ຕ້ອງຫຼີກເວັ້ນທຸກການເຄື່ອນໄຫວທີ່ອາດຈະທຳລາຍ "ແຜນການສ້າງເປັນສອງປະເທດ" ແລະທຸກບັນຫາໃຈກາງຄວນໃຫ້ສອງຝ່າຍແກ້ໄຂດ້ວຍການເຈລະຈາໂດຍກົງບົນພື້ນຖານປະຕິບັດຕາມມະຕິຂອງສະພາຄວາມໝັ້ນຄົງແລະສັນຍາຮ່ວມ ເຊິ່ງອົງການສະຫະປະຊາຊາດຍິນດີສະໜັບສະໜູນດ້ານນີ້.
 |
