ໂອກາດພົບປະກັບທ່ານນາງຢາງຊິ້ວຜິງ ເລຂາທິການໃຫຍ່ສູນຈີນ-ອາຊຽນຢູ່ນະຄອນຫຼວງມະນີລາ ປະເທດຟີລິບປິນໃນວັນທີ 7 ກຸມພານີ້,ທ່ານນາງເຮເລັນ ເດລາເວີກາ ຫົວໜ້າກົມອາຊຽນທັງເປັນຜູ້ຊ່ວຍລັດຖະມົນຕີກະຊວງການຕ່າງປະເທດຟີລິບປິນໄດ້ແນະນຳແຜນງານຂອງປະເທດໃນຖານະເປັນປະເທດປະທານໝູນວຽນຂອງອາຊຽນ.
ທ່ານນາງ ເດລາເວີກາ ຢືນຢັນວ່າ ຟີລິບປິນໄດ້ແລກປ່ຽນຄວາມເຫັນກັບຄູ່ເຈລະຈາອາຊຽນແລ້ວໂດຍໄດ້ຮັບຟັງຄວາມເຫັນແລະຂໍ້ສະເໜີຂອງບັນດາຝ່າຍ ແລະພ້ອມຈະປິ່ນອ້ອມຫົວຂໍ້ "ຕ້ອນຮັບການປະຕິຮູບ, ເຊື່ອມໂຍງສາກົນ"ໂດຍເຈາະຈົງຊຸກຍູ້ 6 ບັນຫາບຸລິມະສິດເຊັ່ນກໍ່ສ້າງສາອາຊຽນທີ່ຖືຄົນເປັນຫຼັກ, ການປະດິດສ້າງແລະເຕີບໂຕແບບກວມລວມແລະອື່ນໆ.
ທ່ານນາງຢາງຊິ້ວຜິງຢືນຢັນວ່າ: ໃນຖານະທີ່ຟີລິບປິນເປັນປະເທດປະທານໝູນວຽນຂອງອາຊຽນປະຈຳປີ 2017 ນີ້, ສູນຈີນ-ອາຊຽນຫວັງຈະເພີ່ມທະວີການແລກປ່ຽນແລະພົວພັນກັບຟີລິບປິນເພື່ອຊຸກຍູ້ສາຍພົວພັນຈີນ-ອາຊຽນກໍຄືສາຍພົວພັນຈີນ-ຟີລິບປິນໃຫ້ສືບຕໍ່ຂະຫຍາຍຕົວເຂົ້າສູ່ລວງເລິກແລະຮອບດ້ານ.
 |
