ລະບົບລົດເມຄວາມໄວສູງ ຫຼື BRT ນະຄອນຫຼວງບາງກອກປະເທດໄທ ແມ່ນມາດຕະການຂອງອຳນາດການປົກຄອງບາງກອກເພື່ອສ້າງຄວາມສະດວກໃຫ້ແກ່ຊາວເມືອງ, ແຕ່ເນື່ອງຈາກຂາດທຶນເຖິງ 200 ລ້ານບາດຕໍ່ປີ ຈຶ່ງຈຳເປັນຈະຢຸດບໍລິການຊາວເມືອງບາງກອກ ແລະ ນັກທ່ອງທ່ຽວ ທັງຈະຖອນອອກຈາກທຸລະກິດການຄົມມະນາຄົມສາທາລະນະຂອງນະຄອນຫຼວງບາງກອກຕື່ມອີກ.
ທັງນີ້, ອຳນາດການປົກຄອງນະຄອນຫຼວງບາງກອກ ໄດ້ຕົກລົງໃນວັນທີ 6 ກຸມພານີ້ວ່າ, ຫຼັງໝົດອາຍຸສັນຍາການດຳເນີນທຸລະກິດໃນເດືອນເມສາທີ່ຈະເຖິງນີ້ ກໍຈະຢຸດເຊົາໂຄງການ BRT ແລະມອບເສັ້ນທາງ ພ້ອມຊ່ອງຈະລາຈອນສະເພາະລົດເມ ຄືນໃຫ້ແກ່ຂະແໜງການຄຸ້ມຄອງການຄົມມະນາຄົມ ແລະໃຫ້ອົງການຂົນສົ່ງສາທາລະນະນະຄອນຫຼວງບາງກອກຈັດສັນລົດເມບໍລິການແທນ.
ຫຼັງໂຄງການ BRT ຢຸດບໍລິການ ອາດຈະກະທົບເຖິງການອອກເດີນທາງຂອງຜູ້ໂດຍສານປະມານ 2 ໝື່ນຄົນ.