ອົງການພັດທະນາເສດຖະກິດແຫ່ງຊາດຟິລິບປິນ ໄດ້ຢືນຢັນໃນທ້າຍເດືອນມັງກອນຜ່ານມາວ່າ: ຍອດມູນຄ່າຜະລິດຕະພັນພາຍໃນ ຫຼື GDP ຂອງປະເທດຕົນໃນໄຕມາດທີ 4 ປີ 2016 ຜ່ານມາ ເຕີບໂຕ 6,6%, ຂະນະທີ່ຈັງຫວະເຕີບໂຕໝົດປີແມ່ນ 6,8% ເປັນຈັງຫວະເຕີບໂຕໄວກວ່າໝູ່ໃນບັນດາປະເທດອາຊຽນ.
ຂ່າວແຈ້ງວ່າ, ຂະແໜງການບໍລິການຂອງຟິລິບປິນໃນໄຕມາດທີ 4 ປີຜ່ານມາໄດ້ເຕີບໂຕ 7,4% ແລະຂະແໜງອຸດສາຫະກຳເຕີບໂຕ 7,6%, ແຕ່ຂະແໜງກະສິກຳເຕີບໂຕຕິດລົບເນື່ອງຈາກໄດ້ຮັບຜົນກະທົບຈາກໄພທຳມະຊາດ.
ອົງການພັດທະນາເສດຖະກິດແຫ່ງຊາດຟິລິບປິນໄດ້ຕັ້ງເປົ້າໃຫ້ເສດຖະກິດປີນີ້ເຕີບໂຕແຕ່ 6,6%-7,5%.
