ວັນທີ 7 ກຸມພານີ້, ທ່ານມະໂຄມ ເທີນບູ ນາຍົກລັດຖະມົນຕີອົສຕຼາລີໄດ້ພົບປະກັບທ່ານຫວາງຢີ້, ລັດຖະມົນຕີກະຊວງການຕ່າງປະເທດຈີນຢູ່ແຄນເບີລາ.
ທ່ານເທີນບູ ກ່າວວ່າ, ອົສຕຼາລີຊົມເຊີຍເປັນຢ່າງສູງຕໍ່ການປາຖະກະຖາທີ່ສຳຄັນຂອງທ່ານສີຈິ້ນຜີງ ປະທານປະເທດຈີນໃນເວທີປຶກສາຫາລືເສດຖະກິດໂລກດາວົສເມື່ອບໍ່ດົນມານີ້, ແລະໃນການເປັນຜູ້ລິເລີ່ມທີ່ເດັດດ່ຽວແລະໄດ້ຮັບຜົນປະໂຫຍດຈາກການຄ້າເສລີ, ຈະຮ່ວມກັບປະເທດຈີນຄັດຄ້ານລັດທິປົກປ້ອງທຸກຮູບການຢ່າງເດັດດ່ຽວ, ເພື່ອໃຫ້ສອດຄ່ອງກັບຜົນປະໂຫຍດຂອງສອງປະເທດກໍຄືຂອງໂລກ.
ທ່ານຫວາງຢີ້ກ່າວວ່າ, ໃນຖານະເປັນສອງປະເທດທີ່ສຳຄັນແລະມີຄວາມຮັບຜິດຊອບ, ຈີນແລະອົສຕຼາລີຄວນຮ່ວມກັນສົ່ງສັນຍານໄປທົ່ວໂລກທີ່ສຸມກຳລັງເພື່ອສ້າງເສດຖະກິດໂລກທີ່ເປີດກວ້າງ, ຮັກສາລະບົບການຄ້າສາກົນແລະຄັດຄ້ານລັດທິປົກປ້ອງການຄ້າຢ່າງຈະແຈ້ງ. ຈີນຍິນດີສຸມທຸກຄວາມພະຍາຍາມຮ່ວມກັບອົສຕຼາລີ, ຊຸກຍູ້ການຮ່ວມມືເສດຖະກິດການຄ້າລະຫວ່າງສອງປະເທດ, ແລະຍົກສູງສາຍພົວພັນລະຫວ່າງສອງປະເທດຂຶ້ນສູ່ລະດັບໃໝ່.
