ຕາມດຳລັດຫຼ້າສຸດຂອງລັດຖະບານຕວກກີທີ່ອອກໃນວັນທີ 7 ກຸມພານີ້, ພະນັກງານລັດ 4464 ຄົນໄດ້ຖືກປົດຕຳແໜ່ງເນື່ອງຈາກຖືກສົງໄສມີສ່ວນກ່ຽວຂ້ອງກັບຂະບວນການກູເລນ ໃນນີ້, 2585 ຄົນເປັນເຈົ້າໜ້າທີ່ກະຊວງສຶກສາທິການ, ກອງໃຫຍ່ສາລະວັດ 893 ຄົນ, ອົງການຮັກສາຄວາມໝັ້ນຄົງ 417 ຄົນ, ກະຊວງພາຍໃນ 49 ຄົນ ແລະຈາກຂະແໜງການອື່ນຂອງລັດຖະບານອີກ 520 ຄົນ.
ວັນທີ 15 ກໍລະກົດ 2016 ຜ່ານມາ, ຕວກກີໄດ້ເກີດການລັດຖະປະຫານທາງການທະຫານແຕ່ບໍ່ປະສົບຜົນສຳເລັດ ເຊິ່ງເປັນເຫດເຮັດໃຫ້ມີຜູ້ເສຍຊີວິດເກືອບ 250 ຄົນ, ຂະນະທີ່ລັດຖະບານຕວກກີຢືນຢັນວ່າ ຜູ້ບົ່ງການລັດຖະປະຫານຄືທ້າວ ກູເລນ ຜູ້ນຳຂະບວນການກູເລນທີ່ດຳລົງຊີວິດຢູ່ອາເມລິກາ.