ທ່ານຟຣັງຊົວ ອໍລອງ ປະທານາທິບໍດີຝຣັ່ງ ກ່າວໃນງານລ້ຽງຕ້ອນຮັບປີໃໝ່ຕາມຈັນທະຄະຕິຈີນແລະປະເທດອື່ນໆໃນອາຊີ ທີ່ຈັດຂຶ້ນຢູ່ວັງເອລີເຊ ນະຄອນຫຼວງປາຣີ ໃນວັນທີ 8 ກຸມພານີ້ວ່າ: ສຳລັບຝຣັ່ງ ແລະ ຈີນ, ປີ 2016 ທີ່ຜ່ານມາ ແມ່ນປີໜຶ່ງທີ່ຍິ່ງໃຫຍ່ ແລະການຮ່ວມມືລະຫວ່າງສອງປະເທດໃນກໍໄດ້ຮັບໝາກຜົນຫຼາຍປະການ.
ທ່ານຟຣັງຊົວ ອໍລອງ ກ່າວວ່າ: ປີຜ່ານມາ, ການຮ່ວມມືລະຫວ່າງຝຣັ່ງ-ຈີນໄດ້ມີຄວາມຄືບໜ້າທີ່ສຳຄັນໃນຂົງເຂດພະລັງງານນິວເຄລຍທີ່ນຳໃຊ້ທາງພົນລະເຮືອນ ໂດຍສະເພາະ ໂຄງການໂຮງໄຟຟ້ານິວເຄລຍຮິນເຄຼ C ອັງກິດ ແລະ ຜະລິດຕະພັນກະສິກຳ, ເຂດກະສິກຳທີ່ຜະລິດເຫຼົ້າວາຍ Bordeaux ຂອງຝຣັ່ງ 45 ເຂດ ໄດ້ຮັບການປົກປ້ອງໃນຖານະເປັນສັນຍະລັກທາງພູມສາດຈາກຈີນ. ນອກນີ້, ການແລກປ່ຽນບຸກຄະລາກອນລະຫວ່າງສອງປະເທດໃນຊຸມປີຜ່ານມາ ກໍນັບມື້ແໜ້ນແຟ້ນຍິ່ງຂຶ້ນ, ປະຊາຊົນຈີນໄດ້ຮັບວີຊາຝຣັ່ງກໍເພີ່ມຂຶ້ນຢ່າງຈະແຈ້ງເມື່ອທຽບໃສ່ຫຼາຍປີກ່ອນ ແລະ ປັດຈຸບັນ, ນັກສຶກສາຈີນທີ່ໄປສຶກສາຕໍ່ຢູ່ຝຣັ່ງກໍບັນລຸເຖິງ 35.000 ຄົນແລ້ວ.
ຂະນະດຽວກັນ, ທ່ານຟຣັງຊົວ ອໍລອງ ກໍໄດ້ຊົມເຊີຍຈີນທີ່ໄດ້ເສີມຂະຫຍາຍບົດບາດໃນບັນຫາສຳຄັນຕ່າງໆຂອງໂລກ.