ອົງການທ່ອງທ່ຽວແຫ່ງຊາດໄທໄດ້ນຳພາ 25 ບໍລິສັດທຸລະກິດທ່ອງທ່ຽວປະເທດຕົນໄປ "ໂຄສະນາການທ່ອງທ່ຽວທີ່ມີຄຸນນະພາບໄລຍະລະດູບານໃໝ່ 2017" ຢູ່ເມືອງຄຸນມິງ ແຂວງຢຸນນານ ສປ ຈີນ ໃນວັນທີ 8 ກຸມພານີ້ ເພື່ອໂຄສະນາຜະລິດຕະພັນທ່ອງທ່ຽວຫຼ້າສຸດ ແລະ ຍົກສູງຄຸນນະພາບການທ່ອງທ່ຽວຂອງປະເທດຕົນ.
25 ບໍລິສັດທີ່ເຂົ້າຮ່ວມກິດຈະກຳດັ່ງກ່າວມີ ໂຮງແຮມ, ບໍລິສັດທ່ອງທ່ຽວ, ສະຖານທີ່ບັນເທີງ ແລະອື່ນໆ ທີ່ປະກອບທຸລະກິດການທ່ອງທ່ຽວ ໄດ້ພົບປະກັບຜູ້ຕາງໜ້າວິສາຫະກິດຈີນເພື່ອຫາລືການຮ່ວມມື ຫວັງໄດ້ຮັບຜົນປະໂຫຍດຈາກຈີນທີ່ເປັນຕະຫຼາດນັກທ່ອງທ່ຽວນັບມື້ຂະຫຍາຍຕົວ.
ຂ່າວແຈ້ງວ່າ, ປີ 2016 ຜ່ານມາ, ນັກທ່ອງທ່ຽວຈີນໄປທ່ຽວໄທບັນລຸເຖິງ 8 ລ້ານ 7 ແສນ 7 ໝື່ນເທື່ອຄົນ ເພີ່ມຂຶ້ນ 10% ເມື່ອທຽບໃສ່ປີ 2015 ແລະ ຄາດວ່າປີນີ້, ນັກທ່ອງທ່ຽວຈີນຈະໄປທ່ຽວໄທເຖິງ 9 ລ້ານເທື່ອຄົນ.