ສື່ມວນຊົນສ ເກົາຫຼີລາຍງານວ່າ: ທ່ານນາງປັກກຸນເຮ ປະທານາທິບໍດີສ ເກົາຫຼີປະກາດຢ່າງກະທັນຫັນໃນວັນທີ 8 ກຸມພານີ້ໃຫ້ຍົກເລີກວາລະການສືບສວນເຊິ່ງໜ້າຕາມກຳນົດໃນວັນທີ 9 ກຸມພານີ້ເພື່ອປະທ້ວງຄະນະໄອຍະການພິເສດເຜີຍແຜ່ວາລະການສືບສວນປະທານາທິບໍດີ.
ຄະນະໄອຍະການພິເສດສ ເກົາຫຼີທີ່ຮັບຜິດຊອບສືບສວນເຫດການ "ຄົນໃກ້ຊິດແຊກແຊງວຽກງານລັດ"ໄດ້ຖະແຫຼງຂ່າວຕາມປົກກະຕິໃນວັນທີ 9 ກຸມພານີ້ໂດຍຕອບໂຕ້ຕໍ່ຂໍ້ອ້າງຂອງທ່ານນາງປັກກຸນເຮທີ່ປະຕິເສດຮັບຟັງການສືບສວນໃນວັນດັ່ງກ່າວ ທັງກ່າວເນັ້ນວ່າ ຄະນະໄອຍະການພິເສດບໍ່ໄດ້ເຜີຍແຜ່ວາລະການສືບສວນປະທານາທິບໍດີແບບເຊິ່ງໜ້າໂດຍລ່ວງໜ້າ ແລະບໍ່ເຂົ້າໃຈວ່າເປັນຫຍັງທ່ານນາງປັກກຸນເຮປະຕິເສດການສືບສວນໃນຂໍ້ອ້າງດັ່ງກ່າວ.
ນັກວິເຄາະສ ເກົາຫຼີເຫັນວ່າ: ເຖິງວ່າແຜນການສືບສວນນາງປັກກຸນເຮແບບເຊິ່ງໜ້າເທື່ອນີ້ຖືກຍົກເລີກກໍຕາມ, ແຕ່ເນື່ອງຈາກທັງທ່ານນາງປັກກຸນເຮແລະຄະນະໄອຍະການພິເສດລ້ວນແຕ່ຢືນຢັນຢ່າງຕໍ່ເນື່ອງວ່າຕ້ອງການດຳເນີນການສືບສວນແບບເຊິ່ງໜ້າ. ຈາກນີ້ຈິ່ງເຫັນໄດ້ວ່າ ການທີ່ແຜນການສືບສວນທ່ານນາງປັກກຸນເຮແບບເຊິ່ງໜ້າປະສົບຄວາມຫຼົ້ມແຫຼວນັ້ນມີຄວາມເປັນໄປໄດ້ບໍ່ພໍເທົ່າໃດ.