ບໍລິສັດການສຳຫຼວດ ວັດແທກ-ແຜນທີ່ພາກໃຕ້ຈີນຫຼືSouth Survey ຮ່ວມມືກັບບໍລິສັດSpaceeyeລາວມາແຕ່ປີ 2016ໂດຍໄດ້ສ້າງຕັ້ງສູນປະຕິບັດການ South Survey ປະຈຳລາວຫຼື SSLOC ຂຶ້ນເພື່ອບັນລຸເປົ້າໝາຍໃນການຈຳໜ່າຍ,ສ້ອມແປງ,ຝຶກອົບຮົມແລະການບໍລິການດ້ານເຕັກນິກທາງດ້ານອຸປະກອນການສຳຫຼວດ ວັດແທກ-ແຜນທີ່ຢູ່ປະເທດລາວ ທັງຮ່ວມກັບບໍລິສັດ Spaceeye ລາວ ປະກອບສ່ວນເຂົ້າໃນການພັດທະນາອຸດສາຫະກຳຂໍ້ມູນຂ່າວສານພູມສາດຂະແໜງສຳຫຼວດ,ວັດແທກ-ແຜນທີ່ຂອງລາວ ທັງໃຫ້ການບໍລິການແກ່ລັດຖະບານລາວ,ບໍລິສັດຈີນຢູ່ລາວ,ບໍລິສັດກໍ່ສ້າງລາວໃຫ້ຮອບດ້ານແລະທັນການກວ່າເກົ່າ.
ພ້ອມດຽວກັນນັ້ນ, ສູນ SSLOC ຍັງຈະຮ່ວມມືກັບລັດຖະບານລາວຢ່າງໃກ້ຊິດເພື່ອບໍລິການໃຫ້ແກ່ໂຄງການທາງລົດໄຟຈີນ-ລາວ ແລະສູນດັ່ງກ່າວຍັງຈະປະຕິບັດຕາມຍຸດທະສາດ "ໜຶ່ງແລວທາງໜຶ່ງເສັ້ນທາງ"ຂອງຈີນໂດຍຈະໃຫ້ການບໍລິການດ້ານຂໍ້ມູນພູມສາດສຳຫຼວດ ວັດແທກ-ແຜນທີ່ແກ່ບໍລິສັດຈີນຢູ່ລາວໂດຍສະເພາະໂຄງການຮ່ວມມືລະຫວ່າງສອງປະເທດ.
 |
