ກົມສະຖິຕິສະຫະພັນເຢຍລະມັນປະກາດໃນວັນທີ 9 ກຸມພານີ້ວ່າ ປີ 2016, ປະເທດຕົນໄດ້ສ້າງສະຖິຕິໃໝ່ຂອງມູນຄ່າການສົ່ງອອກ ໂດຍບັນລຸເຖິງ 1.207 ຕື້ 500 ລ້ານເອີໂຣ, ຂະນະທີ່ມູນຄ່າການນຳເຂົ້າບັນລຸ 954 ຕື້ 600 ລ້ານເອີໂຣ. ຈາກຕົວເລກດັ່ງກ່າວສະແດງໃຫ້ເຫັນວ່າ: ມູນຄ່າການສົ່ງອອກໄດ້ເພີ່ມຂຶ້ນ 1,2% ເມື່ອທຽບປີ 2015, ຂະນະທີ່ມູນຄ່າການນຳເຂົ້າກໍເພີ່ມຂຶ້ນ 0,6%.
ທ່ານເບໂນ ບຸນເຊ ຜູ້ອຳນວຍການໃຫຍ່ອົງການການຄ້າຕ່າງປະເທດແລະການລົງທຶນແຫ່ງສະຫະພັນເຢຍລະມັນ ກ່າວວ່າ: ການສ້າງສະຖິຕິໃໝ່ໃນການສົ່ງອອກຂອງປະເທດຕົນນັ້ນສະແດງໃຫ້ເຫັນເຖິງຜະລິດຕະພັນທີ່ຜະລິດນັ້ນໄດ້ຮັບຄວາມນິຍົມຫຼາຍໃນທົ່ວໂລກ. ຂະນະທີ່ວິສາຫະກິດທຸລະກິດສົ່ງອອກກໍໄດ້ສ້າງສະຖິຕິໃໝ່ 3 ປີຢ່າງຕໍ່ເນື່ອງແລ້ວ. ທັງນີ້ ຜະລິດຕະພັນທີ່ມີຄຸນນະພາບສູງ ແລະ ເຕັກນິກຈາກການປະດິດສ້າງໃໝ່ຂອງວິສາຫະກິດເຢຍລະມັນ ແມ່ນໜຶ່ງໃນສາເຫດສຳຄັນທີ່ເຮັດໃຫ້ປະເທດຕົນຢູ່ໃນຖານະນຳໜ້າໂລກຈະສົ່ງຜົນເຮັດໃຫ້ເກີດຄວາມສາມາດການແຂ່ງຂັນເພີ່ມຂຶ້ນ ໃນຖານະເປັນເປົ້າໝາຍຂອງການລົງທຶນ.
