ກອງທັບຕວກກີທີ່ສູ້ຮົບຢູ່ແຂວງອາເລັບໂປ ທາງພາກເໜືອຊີຣີ ເຊິ່ງເປັນຖານທີ່ໝັ້ນສຳຄັນຂອງກຸ່ມຫົວຮຸນແຮງ IS ໄດ້ຖືກລະເບີດຫຼັງຍົນຮົບຣັດເຊຍຖິ້ມຜິດເປົ້າໝາຍ ໃນວັນທີ 9 ກຸມພານີ້ ສົ່ງຜົນເຮັດໃຫ້ທະຫານຕວກກີ 3 ຄົນເສຍຊີວິດ ແລະ 11 ຄົນໄດ້ຮັບບາດເຈັບ.
ນອກນີ້, ຂ່າວສານໂດກັນຕວກກີລາຍງານວ່າ ທ່ານວຼາດີເມຍ ປູຕິນ ປະທານາທິບໍດີຣັດເຊຍ ໄດ້ສົ່ງໂທລະເລກເຖິງທ່ານຣີເຄັບ ທາຢິບ ເອີໂດກັນ ປະທານາທິບໍດີຕວກກີ ເພື່ອຂໍໂທດຕໍ່ເຫດການດັ່ງກ່າວ ທັງສະແດງຄວາມເສົ້າສະຫຼົດໃຈຕໍ່ທະຫານຕວກກີທີ່ປະສົບເຄາະຮ້າຍ. ຂະນະທີ່ຣັດເຊຍກໍຊີ້ແຈງວ່າ ຣັດເຊຍແລະຕວກກີໄດ້ສ້າງຕັ້ງໜ່ວຍສຳຫຼວດຂຶ້ນເພື່ອສຳຫຼວດເຫດການທີ່ບໍ່ຄາດຝັນດັ່ງກ່າວແລ້ວ.