ຕາມຂ່າວສານຊິນຮວາ:ຄະນະກຳມະການເສດຖະກິດໃນອະນາຄົດທີ່ນຳໂດຍທ່ານເຮັງ ສະວີ ກຽດ ລັດຖະມົນຕີກະຊວງການເງິນສິງກະໂປໄດ້ເປີດເຜີຍບົດລາຍງານຢ່າງເປັນທາງການໃນວັນທີ 9 ກຸມພານີ້ໂດຍໄດ້ສະເໜີນະໂຍບາຍພັດທະນາເສດຖະກິດຂອງປະເທດຕົນໃນ 10 ປີຕໍ່ໜ້າແລະຫວັງວ່າ 3 ແນວທາງໃຫຍ່ແລະ 7 ນະໂຍບາຍນັ້ນ, ປະເທດຕົນຈະບັນລຸການເຕີບໂຕທາງເສດຖະກິດແຕ່ 2-3%ຕໍ່ປີ.
ຄະນະກຳມະການດັ່ງກ່າວເຫັນວ່າ,ປະເທດຕົນໄດ້ເປັນກຸ່ມເສດຖະກິດທີ່ສົມບູນແລ້ວ ບວກໃສ່ຂົງເຂດເສດຖະກິດ,ການເມືອງ,ວິທະຍາສາດເຕັກໂນໂລຊີແລະອື່ນໆຂອງໂລກໃນປັດຈຸບັນໄດ້ເກີດການປ່ຽນແປງຢ່າງໃຫຍ່ຫຼວງ,ປະເທດຕົນຈຶ່ງຍາກທີ່ຈະບັນລຸການເຕີບໂຕໃນລະດັບແຕ່ 5-6%ຕໍ່ປີຄືດັ່ງເມື່ອກ່ອນ.
ຄະນະກຳມະການດັ່ງກ່າວໄດ້ສ້າງຕັ້ງຂຶ້ນເມື່ອເດືອນມັງກອນປີ 2016,ແລະບົດລາຍງານດັ່ງກ່າວໄດ້ຂໍຄວາມເຫັນຈາກບຸກຄົນວົງການຕ່າງໆເປັນຕົ້ນສະມາຄົມການຄ້າ,ອົງການຈັດຕັ້ງສັງຄົມ,ກຳມະບານແລະວິສາຫະກິດ.