ຕາມຂ່າວສານຈີນ:ພະແນກກວດກາຄຸນນະພາບແລະກັກກັນພະຍາດດ່ານເຂົ້າອອກເມືອງແຂວງຢຸນນານຈີນເປີດເຜີຍໃຫ້ຮູ້ວ່າ,ປັດຈຸບັນ,ປະເທດອ້ອມຂ້າງແຂວງຢຸນນານໄດ້ມີໝາກໄມ້ 20 ກວ່າຊະນິດທີ່ໄດ້ຮັບໃບອະນຸຍາດເຂົ້າຕະຫຼາດຈາກພາກສ່ວນກວດກາຄຸນນະພາບແລະກັກກັນພະຍາດຂອງຈີນໂດຍໝາກໄມ້ໄທໄດ້ຮັບໃບອະນຸຍາດເຂົ້າຕະຫຼາດຫຼາຍກວ່າໝູ່,ຄືມີ 22 ຊະນິດ,ຂະນະທີ່ຫວຽດນາມແລະມຽນມາມີ 8 ຊະນິດ.
ພະແນກກວດກາຄຸນນະພາບແລະກັກກັນພະຍາດແຂວງຢຸນນານໃຫ້ຮູ້ວ່າ,ປີ 2016,ໝາກໄມ້ໄທ,ຫວຽດນາມແລະມຽນມາໄດ້ຜ່ານການກວດກາມີ 3187 ຊຸດ, 2 ແສນ 15000 ໂຕນເຊິ່ງມີມູນຄ່າທັງໝົດ 160 ລ້ານໂດລາສະຫະລັດ.
ທ່ານເສີນຢຸນຢົງ ຮອງຫົວໜ້າພະແນກດັ່ງກ່າວໃຫ້ຮູ້ວ່າ, "ໃນຕໍ່ໜ້າ,ໝາກໂມແລະໝາກກ້ວຍຂອງປະເທດລາວກໍຈະເຂົ້າສູ່ຕະຫຼາດແຂວງຢຸນນານເຊິ່ງປັດຈຸບັນ,ພວມກັກກັນພະຍາດໝາກໄມ້ສອງຊະນິດດັ່ງກ່າວ.