ຕາມຂ່າວສານຈີນ: ໃນໂອກາດວັນວາເລນທາຍທີ່ໃກ້ຈະມາເຖິງ, ກະຊວງສາທາລະນະສຸກໄທໄດ້ຮຽກຮ້ອງໃຫ້ "ເກີດລູກກູ້ຊາດ", ໂດຍສົ່ງເສີມໃຫ້ຊາວໜຸ່ມຍິງຊາຍທີ່ມີອາຍຸເໝາະສົມແຕ່ງດອງຄວນແຕ່ງດອງ ແລະມີລູກໂດຍໄວ.
ໃນຫຼາຍປີຜ່ານມາ, ອັດຕາເກີດລູກຢູ່ໄທໄດ້ຫຼຸດລົງຕໍ່ເນື່ອງ, ຄືຈາກ 2,7% ໃນປີ 1970 ຫຼຸດລົງເຖິງ 0,4% ໃນປີ 2015. ຈາກນີ້, ເຈົ້າໜ້າທີ່ກະຊວງສາທາລະນະສຸກໄທກ່າວວ່າ, ຖ້າບໍ່ມີການກະທຳຕົວຈິງ, ອັດຕາເກີດລູກຢູ່ໃນປະເທດຕົນອາດຈະຫຼຸດລົງຮອດເລກສູນພາຍໃນເວລາ 10 ປີ.
ນັບແຕ່ປີ 2010 ເປັນຕົ້ນມາ, ອັດຕາເຕີບໂຕຂອງປະຊາກອນໄທຢູ່ອັນດັບສຸດທ້າຍໃນບັນດາປະເທດອາຊີຕາເວັນອອກສຽງໃຕ້. ແນວໃດກໍດີ, ເພື່ອສົ່ງເສີມການເກີດລູກ, ລັດຖະບານໄທໄດ້ວາງນະໂຍບາຍຕ່າງໆ ເຊັ່ນ: ສົ່ງເສີມຄູ່ຜົວເມຍໃຫ້ເກີດລູກຫຼາຍຄົນ, ໃຫ້ສິດພິເສດໃດ້ານພາສີອາກອນ, ເພີ່ມສະຫວັດດີການກ່ຽວກັບລູກ ແລະອື່ນໆ.
 |
