ຕາມຂ່າວສານຊິນຮວາ: ສະມາຄົມອຸດສາຫະກຳລົດຍົນອິນໂດເນເຊຍໄດ້ເປີດເຜີຍໃນວັນທີ 9 ກຸມພານີ້ວ່າ, ປີ 2016, ອິນໂດເນເຊຍໄດ້ຈຳໜ່າຍລົດໃໝ່ 1 ລ້ານ 6 ໝື່ນຄັນ ເພີ່ມຂຶ້ນ 5% ທຽບໃສ່ປີກ່ອນ ແລະໄດ້ເປັນຕະຫຼາດລົດຍົນໃຫຍ່ອັນດັບໜຶ່ງຂອງອາຊຽນ 3 ປີຊ້ອນ.
ທ່ານໂຈນັນເນສ໌ ນັນກອຍ ປະທານສະມາຄົມອຸດສາຫະກຳລົດຍົນອິນໂດເນເຊຍກ່າວວ່າ, ເນື່ອງຈາກປີນີ້, ເສດຖະກິດອິນໂດເນເຊຍຈະດີກວ່າປີກ່ອນ, ຈະເຮັດໃຫ້ຈຳໜ່າຍລົດຍົນເພີ່ມຂຶ້ນ ໂດຍຄາດວ່າ ລວມຍອດຈຳໜ່າຍລົດໃໝ່ໃນປີ 2017 ຈະເພີ່ມຂຶ້ນເຖິງ 1 ລ້ານ 1 ແສນຄັນ.
ນອກຈາກນີ້, ສະພາມົນຕີລົດຍົນອາຊຽນກໍໄດ້ເປີດເຜີຍວ່າ, ປີ 2016, ລວມຍອດຈຳນວນຈຳໜ່າຍລົດໃໝ່ຂອງອາຊຽນບັນລຸເຖິງ 3 ລ້ານ 1 ແສນ 6 ໝື່ນຄັນ, ເພີ່ມຂຶ້ນ3% ປີກ່ອນ ໂດຍໄທ ແລະມາເລເຊຍຢູ່ອັນດັບສອງ ແລະສາມໃນຕະຫຼາດລົດຍົນອາຊຽນ, ເຊິ່ງໄທມີ 8 ແສນຄັນ ແລະ ມາເລເຊຍ 6 ແສນ 6 ໝື່ນ 7 ພັນຄັນ.