ທ່ານບິນາລິມ ເຢວດີຣິມ ປະທານາທິບໍດີຕວກກີແລະທ່ານອັນໂຕນິໂອ ກູເຕີເຣັສ ເລຂາທິການໃຫຍ່ອົງການສະຫະປະຊາຊາດໄດ້ພົບປະເຈລະຈາກັນຢູ່ເມືອງອິສຕານບູນປະເທດຕວກກີໃນວັນທີ 10 ກຸມພານີ້ໂດຍສອງຝ່າຍມີຄວາມຫວັງຢ່າງເຕັມປ່ຽມຕໍ່ການເຈລະຈາເອກະພາບຂອງໄຊປຣັດຈະໄດ້ຮັບຄວາມຄືບໜ້າໃນໄລຍະນີ້.
ທ່ານກູເຕີເຣັສຢືນຢັນໃນພິທີຖະແຫຼງຂ່າວຫຼັງພົບປະເຈລະຈາວ່າ: ຄວາມພະຍາຍາມຂອງປະເທດຮັບປະກັນໄຊປຣັດຄືຕວກກີ,ເກຣັກແລະອັງກິດໄດ້ສ້າງພື້ນຖານໃຫ້ແກ່ການເຈລະຈາຄວາມເປັນເອກະພາບຂອງໄຊປຣັດໄດ້ຮັບຄວາມຄືບໜ້າໃນໄຍລະບໍ່ດົນຂ້າງໜ້ານີ້ ເຊິ່ງຄວາມຄືບໜ້າແນວນີ້ຈະເຄົາລົບຄວາມເອົາໃຈໃສ່ຂອງເຜົ່າຕວກກີຢູ່ໄຊປຣັດໃນບັນຫາຄວາມໝັ້ນຄົງຢ່າງເຕັມທີ່ ທັງເອົາໃຈໃສ່ຄວາມເປັນຫ່ວງຂອງເຜົ່າເກຣັກ.
ທ່ານກູເຕີເຣັສຍັງກ່າວຕື່ມວ່າ ປັດຈຸບັນ,ຜູ້ນຳເຜົ່າເກຣັກແລະເຜົ່າຕວກກີຂອງໄຊປຣັດໄດ້ພົບປະກັນທຸກອາທິດ ແລະກຳລັງໄດ້ຮັບຄວາມຄືບໜ້າໃນບັນຫາທີ່ຕ້ອງການແກ້ໄຂ. ແນວໃດກໍດີ, ອົງການສະຫະປະຊາຊາດຈະປະສານສົມທົບກັບສອງເຜົ່າດັ່ງກ່າວຂອງໄຊປຣັດແລະສາມປະເທດຮັບປະກັນຢ່າງເຕັມສ່ວນເພື່ອຊອກວິທີແກ້ໄຂບັນຫາທີ່ທຸກຝ່າຍຍອມຮັບໄດ້.
 |
