ວັນທີ 11 ກຸມພານີ້, ມວນຊົນສ.ເກົາຫຼີທີ່ສະໜັບສະໜູນ ຫຼືຕໍ່ຕ້ານຄະດີກ່າວໂທດປະທານາທິບໍດີສ.ເກົາຫຼີຕ່າງໄດ້ຈັດງານຊຸມນຸມປະທ້ວງ, ຝ່າຍໜຶ່ງຮຽກຮ້ອງໃຫ້ສານລັດຖະທຳມະນູນແກ້ໄຂຄະດີກ່າວໂທດປະທານາທິບໍດີໂດຍໄວ, ອີກຝ່າຍໜຶ່ງພັດຮຽກຮ້ອງໃຫ້ປະຕິເສດອຸທອນຄະດີດັ່ງກ່າວ.
ຕອນຄ່ຳມື້ດຽວກັນ, ຢູ່ນະຄອນຫຼວງເຊອຸ່ນ, ມວນຊົນທີ່ສະໜັບສະໜູນຄະດີກ່າວໂທດປະທານາທິບໍດີປັກຈຸນເຮໄດ້ຈັດງານຊຸມນຸມແສງທຽນຄັ້ງທີ 15, ຮຽກຮ້ອງໃຫ້ສານລັດຖະທຳມະນູນແກ້ໄຂຄະດີກ່າວໂທດປະທານາທິບໍດີໂດຍໄວ. ມີເກືອບ 7 ແສນຄົນໄດ້ເຂົ້າຮ່ວມງານຊຸມນຸມ, ຄົນທັງຫຼາຍຮຽກຮ້ອງໃຫ້ສານລັດຖະທຳມະນູນເລັ່ງການແກ້ໄຂຄະດີ. ງານຊຸມນຸມໄດ້ກ່າວຕຳນິທ່ານນາງປັກຈຸນເຮ ແລະພັກກຳອຳນາດເຈດຈຳນົງແກ່ຍາວເວລາດຳເນີນຄະດີ, ແລະໃສ່ຮ້າຍປ້າຍສີແບບລັບລີ້ຕໍ່ຄະນະໄອຍະການວິສາມັນທີ່ຮັບຜິດຊອບສຳຫຼວດເຫດການ "ຜູ້ໃກ້ຊິດເຂົ້າແຊກວຽກງານການເມືອງ".