ວັນທີ 11 ກຸມພານີ້, ອົງການປະຕິບັດກົດໝາຍອາເມລິກາຢືນຢັນວ່າ, ໃນໜຶ່ງອາທິດທີ່ຜ່ານໄປນັ້ນ, ກົມປະຕິບັດກົດໝາຍການເຂົ້າເມືອງ ແລະ ດ່ານພາສີອາເມລິກາປະຕິບັດງານຢູ່ແຫ່ງຕ່າງໆອາເມລິກາ, ໄດ້ຈັບຕົວຊາວຍົກຍ້າຍຜິດກົດໝາຍຫຼາຍຮ້ອຍຄົນ.ທ່ານນາງກາລຽນ ຄຣິສເທນເຊັນ ໂຄສົກກະຊວງຄວາມໝັ້ນຄົງດິນແດນແຫ່ງຊາດອາເມລິກາກ່າວວ່າ, ນີ້ແມ່ນການປະຕິບັດກົດໝາຍຕາມແຜນ, ຜູ້ທີ່ຖືກຈັບຕົວສ່ວນຫຼາຍແມ່ນຜູ້ທີ່ເຄີຍກໍ່ອາຊະຍາກຳຢ່າງຮ້າຍແຮງ, ໄດ້ເປັນໄພຂົ່ມຂູ່ຕໍ່ຄວາມປອດໄພສາທາລະນະ ຫຼື ອົງການຊາວຍົກຍ້າຍ. ແຕ່ "ໜັງສືພິມວໍຊີງຕັນໂພສ໌" ລາຍງານວ່າ, ຊາວຍົກຍ້າຍຜິດກົດໝາຍທີ່ບໍ່ໄດ້ກໍ່ອາຊະຍາກຳຈຳນວນໜຶ່ງກໍ່ຖືກຈັບຕົວຄືກັນ.
ວັນທີ 25 ມັງກອນຜ່ານມາ, ທ່ານໂດນາດ ທຣຳ ປະທານາທິບໍດີອາເມລິກາໄດ້ເຊັນຄຳສັ່ງບໍລິຫານເພື່ອ "ຊຸກຍູ້ຄວາມໝັ້ນຄົງຊາຍແດນ ແລະ ປະຕິບັດກົດໝາຍຕໍ່ຊາວຍົກຍ້າຍ", ເພິ່ມທະວີການໂຈມຕີຊາວຍົກຍ້າຍຜິດກົດໝາຍ, ຊາວຍົກຍ້າຍຜິດກົດໝາຍເຂົ້າເມືອງແລ້ວຖ້າຖືກຈັບຈະບໍ່ປ່ອຍຕົວໃນທັນທີອີກ.
