ວັນທີ 11 ກຸມພານີ້, ທ່ານຊາດີ ກູເວນ ປະທານຄະນະກຳມະການເລືອກຕັ້ງສູງສຸດຕວກກີປະກາດວ່າ, ຕວກກີຈະລົງປະຊາມະຕິທົ່ວປວງຊົນໃນວັນທີ່ 16 ເດືອນເມສາປີນີ້, ເພື່ອຕົກລົງຈະຜ່ານລັດຖະທຳມະນູນສະບັບດັດແກ້ຫຼືບໍ່. ອີງຕາມລັດຖະທຳມະນູນສະບັບດັດແກ້, ຕວກກີຈະຫັນຈາກລະບອບລັດຖະສະພາປ່ຽນເປັນລະບອບປະທານາທິບໍດີ.
ວັນທີ 10 ກຸມພານີ້, ທ່ານຣີເຊັບ ດາຢິບ ເອໂດອານ ປະທານາທິບໍດີຕວກກີໄດ້ເຊັນລັດຖະທຳມະນູນສະບັບດັດແກ້, ແລ້ວຕົກລົງລົງປະຊາມະຕິທົ່ວປວງຊົນຕໍ່ລັດຖະທຳມະນູນສະບັບດັດແກ້.
ຂ່າວແຈ້ງວ່າ, ຖ້າຢາກໃຫ້ລັດຖະທຳມະນູນສະບັບດັດແກ້ໄດ້ຮັບຜ່ານຢ່າງໜ້ອຍ ຕ້ອງການມີປະຊາຊົນຕວກຕີຫຼາຍກວ່າ 51% ສະໜັບສະໜູນ. ຕາບໃດຫາກລັດຖະທຳມະນູນໄດ້ຮັບຜ່ານແລ້ວ, ຕວກຕີຈະເລິ່ມປະຕິບັດລະບອບປະທານາທິບໍດີຢ່າງເປັນທາງການຫຼັງຈາກຈັດການເລືອກຕັ້ງປະທານາທິບໍດີ ແລະ ລັດຖະສະພາປີ 2019 , ລະບອບລັດຖະສະພາທີ່ເລິ່ມປະຕິບັດແຕ່ການສ້າງຕັ້ງສາທາລະນະລັດຕວກກີໃນປີ 1923 ນັ້ນກໍ່ຈະສິ້ນສຸດລົງ.