ວັນທີ 12 ກຸມພານີ້, ທ່ານແຟຣນຄ ວອນເຕີ ສະເຕນໄມເອີ ອະດີດລັດຖະມົນຕີການຕ່າງປະເທດໄດ້ຮັບເລືອກຕັ້ງເປັນປະທານາທິບໍດີເຢຍລະມັນຊຸດທີ 12 ໃນການລົງຄະແນນສຽງຮອບທຳອິດຫຼັງໄດ້ຮັບສຽງສະໜັບສະໜູນເຖິງ 931 ສຽງຈາກ 1239 ສຽງໃນກອງປະຊຸມສະຫະພັນເຢຍລະມັນ ເຊິ່ງສູງກວ່າຜູ້ສະໝັກຮັບເລືອກຕັ້ງອື່ນໆຢ່າງຫຼວງຫຼາຍ.
ທ່ານສີຈິ້ນຜິງ ປະທານປະເທດຈີນໄດ້ສົ່ງໂທລະເລກຊົມເຊີຍເຖິງທ່ານສະເຕໄມເອີທີ່ໄດ້ຮັບເລືອກຕັ້ງເປັນປະທານາທິບໍດີ ເຊິ່ງໂທລະເລກມີເນື້ອໃນວ່າ: ປັດຈຸບັນ, ສາຍພົວພັນຈີນ-ເຢຍລະມັນໄດ້ກ້າວສູ່ໄລຍະການພັດທະນາໃນລະດັບສູງ, ການນຳຂັ້ນສູງຂອງສອງປະເທດໄດ້ໄປມາຫາສູ່ກັນຢ່າງໃກ້ຊິດ, ການຮ່ວມມືໃນຂົງເຂດຕ່າງໆນັບມື້ຂະຫຍາຍຕົວກ້າວສູ່ລວງເລິກ ແລະການຮ່ວມມືຂອງສອງປະເທດບໍ່ພຽງແຕ່ມີຜົນດີຕໍ່ການເພີ່ມຄວາມຜາສຸກໃຫ້ແກ່ປະຊາຊົນສອງຊາດເທົ່ານັ້ນ,ຍັງມີຜົນດີຕໍ່ການສົ່ງເສີມສັນຕິພາບ,ສະເຖຍລະພາບແລະຄວາມຈະເລີນຮຸ່ງເຮືອງຂອງໂລກອີກດ້ວຍ. ຂ້າພະເຈົ້າຍິນດີຮ່ວມກັບທ່ານພະຍາຍາມຊຸກຍູ້ສາຍພົວພັນຄູ່ຮ່ວມຍຸດທະສາດຮອບດ້ານຈີນ-ເຢຍລະມັນໃຫ້ຂະຫຍາຍຕົວດີກວ່າເກົ່າ.