ກົມຊັບສິນທາງປັນຍາແຫ່ງຊາດໄທ ໄດ້ປະທ້ວງສະມາຄົມການຄ້າອາເມລິກາທີ່ເຜີຍແຜ່ "ດັດຊະນີສິດຊັບສິນທາງປັນຍາໂລກ" ໃນວັນທີ 8 ກຸມພານີ້ ໂດຍຊີ້ວ່າ ການຈັດອັນດັບນີ້ບໍ່ໄດ້ຫຼິງເຫັນຄວາມພະຍາຍາມແລະຜົນໄດ້ຮັບຂອງປະເທດຕົນ ທັງໄດ້ຈັດອັນດັບປະເທດຕົນຢູ່ໃນລຳດັບຕ່ຳຫຼາຍ ຄື ຢູ່ໃນອັນດັບທີ 40 ໃນ 45 ກຸ່ມເສດຖະກິດດ້ວຍ 9,35 ຄະແນນ.
ຂ່າວແຈ້ງວ່າ, ທ່ານເຮີສມານ ຜູ້ອຳນວຍການໃຫຍ່ສູນສິດຊັບສິນທາງປັນຍາໂລກ ຫຼື GIPC ກ່າວວ່າ: ການເພີ່ມທະວິການປົກປ້ອງສິດຊັບສິນທາງປັນຍາ ມີຜົນດີຕໍ່ການພັດທະນາວິສາຫະກິດ ຫຼື ຜະລິດຕະພັນ ເຊິ່ງທົ່ວສັງຄົມລ້ວນແຕ່ໄດ້ຮັບຜົນປະໂຫຍດ. ຂະນະທີ່ມາຮອດປັດຈຸບັນ ປະເທດໄທກໍຍັງບໍ່ທັນມີກົດໝາຍປົກປ້ອງສິດຊັບສິນທາງປັນຍາທີ່ກ່ຽວພັນເຖິງການຄ້າຕາມຊາຍແດນແລະຕາມທ່າເຮືອເທື່ອ.
ເຈົ້າໜ້າທີ່ກົມຊັບສິນທາງປັນຍາແຫ່ງຊາດໄທ ຊີ້ວ່າ: ສະມາຄົມການຄ້າອາເມລິກາບໍ່ໄດ້ພິຈາລະນາເຖິງຄວາມພະຍາຍາມຂອງປະເທດຕົນໃນການພັດທະນາສິດຊັບສິນທາງປັນຍາຢ່າງເຕັມສ່ວນ. ແນວໃດກໍດີ, ກົມຂອງຕົນຈະສືບຕໍ່ຊຸກຍູ້ວຽກງານຕ່າງໆໃຫ້ຄືບໜ້າ ແລະພະຍາຍາມຍົກອັນດັບຂອງປະເທດຕົນສູງຂຶ້ນໃນການຈັດອັນດັບດັ່ງກ່າວ.