ສາງແກັສທຳມະຊາດໃຕ້ດິນທີ່ສາມາດເກັບຮັກສາແກັສທຳມະຊາດໄດ້ເຖິງ 1 ຕື້ ແມັດກ້ອນ ໂດຍຈີນແລະຕວກກີຮ່ວມກໍ່ສ້າງຢູ່ແຂວງອັກຊາເຣ ທາງພາກກາງຕວກກີ ໄດ້ເລີ່ມເກັບຮັກສາແກັສທຳມະຊາດແລ້ວຫວ່າງມໍ່ໆນີ້ ໂດຍໂຄງການດັ່ງກ່າວຈະສາມາດຫຼຸດຜ່ອນສະພາບການຂາດເຂີນແກັສທຳມະຊາດຂອງຕວກກີ.
ທ່ານຣີເຄັບ ເຕຢິບ ເອີໂດກັນ ປະທານາທິບໍດີຕວກກີ ກ່າວໃນພິທີຕັດແຖບຜ້າວ່າ: ຈາກການຊ່ວຍເຫຼືອຂອງວິສະວະກອນຈີນ, ສາງແກັສທຳມະຊາດໃຕ້ດິນທີ່ສາມາດບັນຈຸແກັສທຳມະຊາດໄດ້ເຖິງ 1 ຕື້ ແມັດກ້ອນນີ້ໄດ້ສຳເລັດການກໍ່ສ້າງແລະເລີ່ມນຳໃຊ້ແລ້ວ.
ທ່ານເບີຮັນ ໂອສຄັນ ຜູ້ອຳນວຍການໃຫຍ່ບໍລິສັດທໍ່ສົ່ງນ້ຳມັນເຊື້ອໄຟຕວກກີ ກ່າວວ່າ: ຢ່າງໜ້ອຍລະດູໜາວໃນສອງປີຕໍ່ໜ້າ, ປະເທດຕົນຈະບໍ່ມີບັນຫາການຂາດເຂີນແກັສທຳມະຊາດອີກ ແລະ ໃນ 4 ປີຕໍ່ໜ້າ, ກໍຈະເລັ່ງດຳເນີນໂຄງການກໍ່ສ້າງສາງແກັສທຳມະຊາດ ໂດຍມີແຜນຈະເພີ່ມຄວາມສາມາດການເກັບຮັກສາແກັສທຳມະຊາດໄດ້ເຖິງ 1 ຕື້ແມັດກ້ອນຕໍ່ປີ.