ຊຸດອົບຮົມພາສາຈີນຂັ້ນຕົ້ນຂອງກະຊວງສຶກສາທິການເນປານ ໄດ້ເລີ່ມເປີດການຮຽນການສອນຢູ່ຄະນະການຄຸ້ມຄອງ ມະຫາວິທະຍາໄລກັດມັນດູ ໃນວັນທີ 12 ກຸມພານີ້, ຂະນະທີ່ກະຊວງສຶກສາທິການເນປານ ແມ່ນອົງການລັດຖະບານແຫ່ງທີ 4 ທີ່ເປີດຊຸດອົບຮົມພາສາຈີນ ຖັດຈາກກະຊວງການຕ່າງປະເທດ, ສຳນັກງານໃຫຍ່ກອງທັບເນປານ ແລະ ອົງການທ່ອງທ່ຽວແຫ່ງຊາດເນປານ.
ເຈົ້າໜ້າທີ່ກະຊວງສຶກສາທິການເນປານ ໄດ້ກ່າວໃນພິທີເປີດຊຸດອົບຮົມດັ່ງກ່າວວ່າ: ການຈັດຊຸດອົບຮົມພາສາຈີນນີ້ ກໍເພື່ອເພີ່ມທະວີສາຍພົວພັນໄມຕີຈິດມິດຕະພາບໃນທຸກລະດັບລະຫວ່າງເນປານແລະຈີນ.
ວິທະຍາໄລຂົງຈື້ ມະຫາວິທະຍາໄລກັດມັນດູ ແມ່ນສະຖານທີ່ທີ່ປະຊາຊົນເນປານຮຽນພາສາຈີນ ແລະ ຮຽນຮູ້ວັດທະນະທຳຈີນ. ຂະນະທີ່ມະຫາວິທະຍາໄລກັດມັນດູ ກໍແມ່ນມະຫາວິທະຍາໄລຂອງເນປານແຫ່ງທຳອິດທີ່ຈັດເອົາພາສາຈີນເຂົ້າໃນຫຼັກສູດວິຊາສະເພາະ.