ບໍລິສັດຜະລິດຫົວລົດໄຟແລະລົດໄຟຟ້າຕ້າຫຼຽນ ທີ່ຂຶ້ນກັບບໍລິສັດຈົ່ງເຊີ່ຈີນຫຸ້ນສ່ວນຈຳກັດ (CRRC) ໄດ້ຖະແຫຼງເມື່ອບໍ່ດົນນີ້ວ່າ: ເຄື່ອງຈັກລະເບີດໃນ 2 ເຄື່ອງທີ່ຄົ້ນຄວ້າຜະລິດໂດຍບໍລິສັດຕົນ ໄດ້ນຳຂຶ້ນເຮືອຢູ່ທ່າກຳປັ່ນເມືອງຕ້າຫຼຽນຫວ່າງມໍ່ໆນີ້ແລ້ວ ເພື່ອກຽມຂົນສົ່ງໄປມຽນມາ ເພື່ອນຳໃຊ້ເຂົ້າໃນການຂົນສົ່ງຜູ້ໂດຍສານແລະສິນຄ້າຕາມເສັ້ນທາງລົດໄຟສາຍຫຼັກຂອງປະເທດດັ່ງກ່າວ ໂດຍຈະສາມາດຕອບສະໜອງໄດ້ 40 ສ່ວນ 1000 ໃນການປະຕິບັດໜ້າທີ່ລາກແກ່ຕູ້ລົດໄຟຕາມເສັ້ນທາງລົດໄຟທີ່ທັງຄ້ອຍຊັນແລະຍາວ.
ຫົວລົດໄຟດັ່ງກ່າວມີຄວາມໄວສູງສຸດ 100 ກິໂລແມັດຕໍ່ຊົ່ວໂມງ, ມີປະສິດທິພາບສູງຕາມອັດຕາແຮງມ້າ, ຄວາມໄວການແລ່ນ, ສະມັດຖະພາບການລາກແກ່ ແລະອື່ນໆ ເຊິ່ງເໝາະສົມກັບຈຸດພິເສດຂອງເສັ້ນທາງລົດໄຟໃນປັດຈຸບັນທີ່ຢູ່ໃນສະພາບບໍ່ດີ, ອຸນຫະພູມສະພາບແວດລ້ອມສູງ, ພູມສັນຖານທຸລະກັນດານ ແລະອື່ນໆ ຂອງປະເທດໃນອາຊີຕາເວັນອອກສຽງໃຕ້.
ເຈົ້າໜ້າທີ່ບໍລິສັດຜະລິດຫົວລົດໄຟແລະລົດໄຟຟ້າຕ້າຫຼຽນ ກ່າວວ່າ: ບໍລິສັດຕົນໄດ້ຮ່ວມມືກັບລັດວິສາຫະກິດເສັ້ນທາງລົດໄຟມຽນມາແລ້ວ 5 ເທື່ອ, ຂະນະທີ່ມາຮອດປັດຈຸບັນ ໄດ້ສົ່ງຫົວລົດໄຟໃຫ້ແກ່ມຽນມາ 50 ກວ່າເຄື່ອງ ອັນໄດ້ປະກອບສ່ວນຢ່າງໃຫຍ່ຫຼວງໃນການຂົນສົ່ງຕາມທາງລົດໄຟຂອງມຽນມາ.