ຂ່າວສານຊິນຮວາລາຍງານວ່າ: ວັນທີ 12 ກຸມພານີ້, ໜ່ວຍງານການຕ່າງປະເທດຂອງເອີຣົບໄດ້ອອກກ່າວປະນາມສປປ.ເກົາຫລີທີ່ຍິງຂີປະນາວຸດໃນມື້ດຽວກັນ ເຊິ່ງເປັນການລະເມີດມະຕິທີ່ກ່ຽວຂ້ອງຂອງສະພາຄວາມໝັ້ນຄົງສະຫະປະຊາຊາດອີກເທື່ອໜຶ່ງ.
ເຈົ້າໜ້າທີ່ການຕ່າງປະເທດຂອງເອີຣົບກ່າວວ່າ: ສປປ.ເກົາຫລີຕ້ອງຢຸດການທົດລອງຍິງຂີປະນາວຸດຕາມມະຕິຂອງສະພາຄວາມໝັ້ນຄົງສະຫະປະຊາຊາດ ຂະນະດຽວກັນກໍໃຫ້ຍົກເລີກໂຄງການຈະຫລວດນຳວິຖີຢ່າງສິ້ນເຊີງ, ສາມາດກວດສອບໄດ້ ແລະບໍ່ສາມາດຮື້ຟື້ນໂຄງການຢ່າງເດັດຂາດ.
ຈາກນີ້ຈຶ່ງຮຽກຮ້ອງສປປ.ເກົາຫລີບໍ່ຄວນສ້າງສະຖານະການໃຫ້ເຄັ່ງຕຶງ, ຄວນກັບຄືນສູ່ການເຈລະຈາສາກົນ ໂດຍສະເພາະການເຈລະຈາຫົກຝ່າຍ.
ແນວໃດກໍດີ, ສປປ.ເກົາຫລີຍັງບໍ່ທັນອອກຖະແຫຼງການກ່ຽວກັບການຍິງຂີປະນາວຸດເທື່ອນີ້.