ຕາມຂ່າວສານຈີນ: ຕອນຄ່ຳວັນທີ 12 ກຸມພານີ້, ວົງດຸລິຍາງຊິມໂຟນີກຸງເທບ ທີ່ມີຊື່ສຽງຂອງໄທໄດ້ສະແດງດົນຕີຢູ່ສວນລຸມພີນີບາງກອກ, ໂດຍໄດ້ດຶງດູດປະຊາຊົນ ແລະນັກທ່ອງທ່ຽວເຂົ້າຊົມຢ່າງຫຼວງຫຼາຍ.
ວົງດຸລິຍາງຊິມໂຟນີກຸງເທບສ້າງຕັ້ງຂຶ້ນໃນປີ1982, ເປັນວົງດົນຕີປະສານສຽງທີ່ດີເດັ່ນຂອງໄທ ໂດຍເລີ່ມແຕ່ທ້າຍປີຜ່ານມານີ້, ວົງດົນຕີດັ່ງກ່າວໄດ້ຮ່ວມກັບສວນລຸມພີນີຈັດກິດຈະກຳສະແດງດົນຕີເດີ່ນຫຍ້າ, ເຊິ່ງໄດ້ເຊີນນັກຮ້ອງທີ່ມີຊື່ສຽງໄດ້ຮ່ວມສະແດງກັບສິລະປິນໃນວົງດົນຕີດັ່ງກ່າວເມື່ອກ່ອນ, ເປັນຂອງຂວັນປີໃໝ່ໃຫ້ແກ່ປະຊາຊົນນະຄອນຫຼວງບາງກອກ. ກິດຈະກຳດັ່ງກ່າວໄດ້ສະແດງດົນຕີ 8 ລາຍການທີ່ຕ່າງກັນ ແລະກາຍເປັນມະໂຫລານດົນຕີທ້າຍສັບປະດາສຳລັບມິດດົນຕີບາງກອກ.