ສື່ມວນຊົນເກຼັກລາຍງານວ່າ: ວັນທີ 12 ກຸມພາຕາມເວລາເກຼັກ, ຜູ້ຊ່ຽວຊານປ້ອງກັນລະເບີດທາງທະຫານເກຼັກໄດ້ທຳລາຍລູກລະເບີດທີ່ຍັງບໍ່ທັນແຕກທີ່ຕົກຄ້າງໃນປາງສົງຄາມໂລກຄັ້ງທີສອງ ຢູ່ເມືອງເຊຊາໂລນີກີ ທາງພາກເໜືອປະເທດຕົນ.
ຂ່າວສານ ANA ຂອງເກຼັກລາຍງານວ່າ, ຫວ່າງແລ້ວນີ້, ລູກລະເບີດໜ່ວຍນີ້ຖືກຄົ້ນພົບຢູ່ສະຖານທີ່ກໍ່ສ້າງແຫ່ງໜຶ່ງໃກ້ປ້ຳນ້ຳມັນແຫ່ງໜຶ່ງຂອງເມືອງເຊຊາໂລນີກີ ແລະເພື່ອຄວາມປອດໄພ, ເຈົ້າໜ້າທີ່ໄດ້ຍົກຍ້າຍປະຊາຊົນ 7 ໝື່ນຄົນອອກຈາກເຂດອ້ອມຂ້າງ. ຂະນະທີ່ທະຫານເກຼັກຄາດຄະເນເບື້ອງຕົ້ນວ່າ, ລູກລະເບີດໜ່ວຍນີ້ຍາວປະມານ 1,5 ແມັດ ແລະໜັກປະມານ 250 ກິໂລ.
ສື່ມວນຊົນເກຼັກລາຍງານວ່າ, ລູກລະເບີດໜ່ວຍນີ້ອາດຈະແມ່ນທະຫານອັງກິດຖິ້ມລະເບີດໃສ່ສິ່ງກໍ່ສ້າງທະຫານຂອງນາຊິດເຢຍລະມັນໃນຕົວເມືອງດັ່ງກ່າວເມື່ອປີ 1943.