ພິທີເປີດນຳໃຊ້ຂົວໂກທົມທີ່ໄດ້ຮັບຍເງິນກູ້ຈາກລັດຖະບານຈີນແລະຮັບເໝົາກໍ່ສ້າງໂດຍບໍລິສັດຂົວທາງຈີນນັ້ນໄດ້ຈັດຂຶ້ນຢູ່ເມືອງໂກທົມແຂວງກັນຕານກຳປູເຈຍໃນວັນທີ 13 ກຸມພານີ້ໂດຍທ່ານຮຸນແຊນ ນາຍົກລັດຖະມົນຕີກຳປູເຈຍ,ທ່ານສົງໂປ່ ເອກອັກຄະລັດຖະທູດຈີນປະຈຳກຳປູເຈຍພ້ອມດ້ວຍເຈົ້າໜ້າທີ່ລັດຖະບານກຳປູເຈຍແລະປະຊາຊົນປະມານ 5000 ຄົນເຂົ້າຮ່ວມ.
ທ່ານຮຸນແຊນກ່າວໃນພິທີດັ່ງກ່າວວ່າ: ຂົວໂກທົມເປັນຜົນສຳເລັດໃໝ່ຂອງກຳປູເຈຍໃນການພັດທະນາພື້ນຖານໂຄງລ່າງຄົມມະນາຄົມເຊິ່ງໄດ້ເຮັດໃຫ້ປະຊາຊົນກຳປູເຈຍໄດ້ຮັບຜົນປະໂຫຍດຫຼາຍ, ພ້ອມກັນນັ້ນ, ກໍຂໍສະແດງຄວາມຂອບໃຈຕໍ່ລັດຖະບານຈີນທີ່ໄດ້ຊ່ວຍເຫຼືອດທະນາເສດຖະກິດສັງຄົມຂອງກຳປູເຈຍຢ່າງໃຫຍ່ຫຼວງ.
ຂົວໂກທົມຕັ້ງຢູ່ເມືອງໂກທົມ ຫ່າງຈາກນະຄອນຫຼວງພະນົມເປັນໄປທາງທິດໃຕ້ປະມານ 60 ກິໂລແມັດ, ຍາວ 415 ແມັດແລະກວ້າງ 13,5 ແມັດ. ການເປີດນຳໃຊ້ຂົວດັ່ງກ່າວຈະສາມາດຍົກສູງປະສິດທິພາບການສັນຈອນຕາມທາງຫຼວງເລກ 21 ແລະທາງຫຼວງເລກ 110 ຂອງກຳປູເຈຍ ແລະຂົວນີ້ຍັງເປັນຂົວມິດຕະພາບກຳປູເຈຍ-ຈີນແຫ່ງທີ 7ທີ່ບໍລິສັດຈີນຮັບເໝົາກໍ່ສ້າງ.
