ພະລາຊີນີອັງກິດຮັບສະໝັກຜູ້ຄຸ້ມຄອງບັນຊີສື່ສັງຄົມອອນລາຍຂອງຕົນ

ພະລາຊະວັງບັກຄິງແຮມອັງກິດປະກາດຮັບສະໝັກຜູ້ຄຸ້ມຄອງບັນຊີທວິດເຕີສ່ວນຕົວຂອງພະລາຊີນີເອລີຊາເບັດທີ 2 ອັງກິດໂດຍຈະໄດ້ຮັບເງິນເດືອນ 3 ໝື່ນປອນຕໍ່ປີ.

ທັງນີ້, ໜັງສືພິມ "ເດີຊັນ" ອັງກິດລາຍງານວ່າ: ຕຳແໜ່ງດັ່ງກ່າວແມ່ນຕຳແໜ່ງເຕັມເວລາ ໂດຍມີຄວາມຮັບຜິດຊອບຄຸ້ມຄອງບັນຊີທວິດເຕີຂອງພະລາຊີນີ, ແຈ້ງກິດຈະກຳຕ່າງໆຂອງພະລາຊີນີ ແລະ ບົດບາດຂອງພະບໍລົມມະວົງສານຸວົງໃນຊີວິດສັງຄົມ ຕໍ່ທົ່ວໂລກ. ເທິງເວັບໄຊທາງການຂອງພະລາຊີນີ ໄດ້ປະກາດຮັບສະໝັກຊື່ຕຳແໜ່ງວ່າ "ນັກວິຊາການສື່ສານດີຈີຕອນ". ຂ່າວແຈ້ງຕື່ມວ່າ: ຕຳແໜ່ງດັ່ງກ່າວນອກຈາກຈະຮັບຜິດຊອບການຄຸ້ມຄອງບັນຊີທວິດເຕີຂອງພະລາຊີນີແລ້ວ ຍັງຈະຮັບຜິດຊອບການຖະແຫຼງຂ່າວຕ່າງໆຢູ່ເຟັສບຸກ ແລະ YouTube ທັງລາຍງານຂ່າວການຢ້ຽມຢາມຕ່າງປະເທດທາງລັດຖະກິດ ແລະ ພິທີມອບລາງວັນປະເພດຕ່າງໆຂອງພະລາຊີນີເອລີຊາເບັດທີ 2 ຢູ່ສື່ສັງຄົມອອນລາຍອີກດ້ວຍ.