ວັນທີ 13 ກຸມພານີ້, ຫ້ອງການໂຄງການການບິນອະວະກາດບັນທຸກຄົນຂອງຈີນເປີດເຜີຍວ່າ, ຍານອະວະກາດບັນທຸກເຄື່ອງ "ຖ່ຽນໂຈວເລກໜຶ່ງ" ທີ່ຈີນຄົ້ນຄວ້າຜະລິດເອງ ຈະຍິງສົ່ງຂຶ້ນດ້ວຍຈະຫຼວດສົ່ງຍານ "ສາງເຈິ່ງເລກ 7 ຢາວ 2" ໃນລະຫວ່າງກາງຫາທ້າຍເດືອນເມສາປີນີ້. ໂດຍໃນມື້ດຽວກັນ, "ຖ່ຽນໂຈວເລກໜຶ່ງ" ໄດ້ຂົນສົ່ງໄປເຖິງສະໜາມຍິງສົ່ງເວິນຊາງແຂວງໄຫຫຼຳ ເພື່ອດຳເນີນການປະກອບຕິດຕັ້ງ ແລະທົດລອງຄັ້ງສຸດທ້າຍ.
"ຖ່ຽນໂຈວ່ເລກໜຶ່ງ" ມີສອງຫ້ອງ ເຊິ່ງປະກອບດ້ວຍຫ້ອງບັນທຸກເຄື່ອງ ແລະຫ້ອງຊຸກດັນ ໂດຍມີຍາວ 10,6ແມັດ, ເສັ້ນຜ່າສູນກາງບ່ອນກວ້າງສຸດ 3,35ແມັດ, ປີກພະລັງຕາເວັນກວ້າງສຸດ 14,9ແມັດ, ຂະນະທີ່ນ້ຳໜັກໃນເວລາຍິງສົ່ງມີເຖິງ 13 ໂຕນ, ສາມາດຂົນສົ່ງເຄື່ອງໄດ້ 6 ໂຕນ ແລະບິນໄດ້ 3 ເດືອນ. "ຖ່ຽນໂຈວ່ເລກໜຶ່ງ" ສາມາດເຊື່ອມຕໍ່ກັບ "ຖ່ຽນກຸ່ງເລກສອງ", ເພີ່ມວັດຖຸເຊື້ອໄຟຊຸກດັນຢູ່ຕາມວົງໂຄຈອນ, ດຳເນີນການທົດລອງທາງວິທະຍາສາດເຕັກໂນໂລຊີຢູ່ອະວະກາດ ແລະອື່ນໆ.