ຕາມຂ່າວສານຈີນ: ວັນທີ 13 ກຸມພານີ້, ສະພາຄວາມໝັ້ນຄົງອົງການສະຫະປະຊາຊາດ ໄດ້ອະພິປາຍຢ່າງເປີດເຜີຍແລະຜ່ານມະຕິກ່ຽວກັບຫົວຂໍ້ "ປົກປັກຮັກສາບໍ່ໃຫ້ພື້ນຖານໂຄງລ່າງສຳຄັນຖືກຫຼອນໂຈມຕີແບບກໍ່ການຮ້າຍ".
ທ່ານ ລິວເຈອີ່ ຜູ້ຕາງໜ້າຖາວອນຂອງຈີນປະຈຳອົງການສະຫະປະຊາຊາດ ໄດ້ປະກອບຄຳຄິດຄຳເຫັນວ່າ, ສະພາບການຕ້ານການກໍ່ການຮ້າຍໃນທົ່ວໂລກ ນັບມື້ນັບຂ້ຽວຂາດ ໂດຍພື້ນຖານໂຄງລ່າງໄດ້ກາຍເປັນເປົ້າໝາຍຂອງການຫຼອນໂຈມຕີແບບກໍ່ການຮ້າຍ. ຂະນະທີ່ຫວ່າງມໍ່ໆມານີ້, ທົ່ວໂລກໄດ້ເກີດເຫດການຫຼອນໂຈມຕີແບບກໍ່ການຮ້າຍທັງສະໜາມບິນ, ສະຖານີລົດແລະພື້ນຖານໂຄງລ່າງອື່ນໆຈຳນວນໜຶ່ງ ສົ່ງຜົນເຮັດໃຫ້ສັງຄົມເກີດຄວາມສະທ້ານຢ້ານກົວເປັນທີ່ສຸດ ແລະໄດ້ທຳລາຍຊີວິດກໍຄືຊັບສິນຂອງປະຊາຊົນຢ່າງໜັກໜ່ວງ. ແນວໃດກໍດີ ປະຊາຄົມໂລກຄວນເອົາໃຈໃສ່ສູງຕໍ່ສະພາບດັ່ງກ່າວ ແລະຮ່ວມແຮງກັນປາບປາມຢ່າງເດັດດ່ຽວ.
ທ່ານ ລິວເຈອີ່ ກ່າວຕື່ມວ່າ, ທຸກປະເທດຄວນຮັບຜິດຊອບໜ້າທີ່ຂອງຕົນໃນການປົກປັກຮັກສາຄວາມປອດໄພໃຫ້ແກ່ພື້ນຖານໂຄງລ່າງຢ່າງແທ້ຈິງ, ແຕ່ລະປະເທດຕ້ອງເພີ່ມຄວາມສາມາດໃນການຮັບມືກັບການຫຼອນໂຈມຕີພື້ນຖານໂຄງລ່າງແບບກໍ່ການຮ້າຍ ແລະຮັກສາຄວາມປອດໄພໃຫ້ແກ່ພື້ນຖານໂຄງລ່າງຢ່າງແທ້ຈິງ.
 |
