ຕາມຂ່າວສານຊິນຮວາ: ຫ້ອງການທ່ານ ສະຕາຟັນ ເດີ ມີສະຕູຣາ ທູດພິເສດບັນຫາຊີຣີອົງການສະຫະປະຊາຊາດ ໄດ້ອອກແຈ້ງການໃນວັນທີ 13 ກຸມພານີ້ວ່າ, ການຟື້ນຟູການເຈລະຈາສັນຕິພາບຊີຣີເທື່ອໃໝ່ ຈະຈັດຂຶ້ນຢູ່ເຊີແນວໃນວັນທີ 23 ກຸມພານີ້.
ແຈ້ງການລະບຸວ່າ, ໄດ້ສົ່ງຈົດໝາຍເຊີນໃຫ້ຜູ້ຕາງໜ້າທີ່ຈະຮ່ວມກອງປະຊຸມໃນວັນທີ 13 ກຸມພານີ້ ແລະພວມຕັ້ງໜ້າດຳເນີນການກະກຽມຢູ່ຢ່າງເຄັ່ງຮ້ອນ, ຂະນະທີ່ຜູ້ຕາງໜ້າຈະມາເຖິງເຊີແນວກ່ອນແລະຫຼັງວັນທີ 20 ກຸມພາ ເພື່ອປຶກສາຫາລືກັບທ່ານ ສະຕາຟັນ ເດີ ມີສະຕູຣາ ທູດພິເສດແລະຄະນະຂອງທ່ານກ່ອນ. ແນວໃດກໍດີ, ການເຈລະຈາສັນຕິພາບຈະດຳເນີນຢ່າງເປັນທາງການໃນວັນທີ 23 ກຸມພານີ້.
ມາຮອດປັດຈຸບັນ, ການເຈລະຈາສັນຕິພາບຊີຣີຢູ່ເຊີແນວເທື່ອນີ້ ໄດ້ຖືກເລື່ອນມາແລ້ວ 2 ເທື່ອ ເຊິ່ງທ່ານ ສະຕາຟັນ ເດີ ມີສະຕູຣາ ໄດ້ປະກາດວ່າ ການເຈລະຈາສັນຕິພາບ ຈະຈັດຂຶ້ນໃນວັນທີ 2 ກຸມພານີ້, ແຕ່ຕໍ່ມາ ກໍກ່າວວ່າຈະເລື່ອນໄປຈົນເຖິງວັນທີ 20 ເດືອນດຽວກັນ.