ທ່ານເກິງສວາງ ໂຄສົກກະຊວງການຕ່າງປະເທດຈີນຢືນຢັນໃນພິທີຖະແຫຼງຂ່າວຕາມປົກກະຕິໃນວັນທີ 14 ກຸມພານີ້ວ່າ: ລັດຖະບານຈີນຍິນດີຊ່ວຍເຫຼືອໃນການກູ້ໄພແຜ່ນດິນໄຫວຢູ່ຟີລິບປິນຢ່າງຕັ້ງໜ້າ.
ທ່ານເກິງສວາງກ່າວວ່າ: ວັນທີ 10 ກຸມພານີ້, ໄດ້ເກີດແຜ່ນດິນໄຫວຢູ່ພາກໃຕ້ຟີລິບປິນ ເຊິ່ງໄພພິບັດດັ່ງກ່າວສົ່ງຜົນເຮັດໃຫ້ມີຜູ້ເສຍຊີວິດແລະບາດເຈັບທັງສ້າງຜົນເສຍຫາຍຕໍ່ຊັບສິນຕື່ມອີກ. ຜ່ານມາ,ທ່ານຫວາງຢີ້ ລັດຖະມົນຕີກະຊວງການຕ່າງປະເທດຈີນກໍໄດ້ສົ່ງໂທລະເລກສະແດງຄວາມເຫັນໃຈເຖິງທ່ານຢາໄຊ ລັດຖະມົນຕີກະຊວງການຕ່າງປະເທດຟີລິບປິນແລ້ວ, ຂະນະທີ່ອົງການກາແດງຈີນຈະມອບເງິນຊ່ວຍເຫຼືອແບບມະນຸດສະທຳ 5 ໝື່ນໂດລາສະຫະລັດ.
ທ່ານເກິງສວາງກ່າວຕື່ມວ່າ: ລັດຖະບານຈີນຍິນດີຊ່ວຍເຫຼືອຟີລິບປິນໃນການກູ້ໄພຢ່າງຕັ້ງໜ້າ ແລະເຊື່ອໝັ້ນວ່າ ພາຍໃຕ້ການນຳພາຂອງລັດຖະບານຟີລິບປິນ, ປະຊາຊົນເຂດປະສົບໄພຈະສາມາດຜ່ານຜ່າຄວາມຫຍຸ້ງຍາກແລະຟື້ນຟູການຜະລິດແລະຊີວິດການເປັນຢູ່ໃຫ້ກັບຄືນສູ່ສະພາບປົກກະຕິ.
 |
